Құтқарушылар ерлік пен батылдық үшін марапатталды.

Қарағанды ​​облысы төтенше жағдайлар департаментінің төрт қызметкері «Жауынгерлік ерлігі үшін» медалімен Азат Бегімбетов, Рахымжан Қошқарбаев атындағы ІІІ дәрежелі «Айбын» орденімен Жеңіс Болатов, Серікбол Кінәр және Нурхат Нусупов мемлекеттік наградалармен марапатталды.

Төтенше жағдайлар министрі Шыңғыс Әрінов облыстағы су тасқыны құбылыстарының салдарын жоюға, адамдарды және олардың жеке мүліктерін эвакуациялауға, сондай-ақ авариялық-құтқару жұмыстарын жүргізуге атсалысқандарға марапаттарды салтанатты түрде тапсырып, Елбасының алғысын білдірді.

Азаматтық қорғау аға лейтенанты Азат Сайранұлы Бегімбетов азаматтық қорғау органдары жүйесінде 2016 жылдың тамыз айынан бастап, атқаратын лауазымында 2023 жылдың мамыр айынан бастап қызмет етеді. Ол –  «Қазақстан Республикасы Төтенше жағдайлар министрлігі Қарағанды ​​облысы төтенше жағдайлар департаменті Ақтоғай ауданының төтенше жағдайлар бөлімі» РММ аға анықтаушысы.

Азаматтық қорғау аға сержанты Жеңіс Болатұлы Болатов азаматтық қорғау органдары жүйесінде 2016 жылдың қараша айынан бастап, атқаратын лауазымында 2021 жылдың маусым айынан бастап қызмет етеді. Ол – «Қазақстан Республикасы Төтенше жағдайлар министрлігі Қарағанды ​​облысы төтенше жағдайлар департаменті Өрт сөндіру және авариялық-құтқару жұмыстары қызметі (Қарағанды қаласы)» РММ №18 өрт сөндіру бөлімі өрт сөндіру автокөліктерінің жүргізуші-қызметкері.

Азаматтық қорғау аға сержанты Серікбол Кінәр азаматтық қорғау органдары жүйесінде 2016 жылдың наурыз айынан бастап, атқаратын лауазымында 2020 жылдың қаңтар айынан бастап қызмет етеді. Ол – «Қазақстан Республикасы Төтенше жағдайлар министрлігі Қарағанды ​​облысы төтенше жағдайлар департаменті Өрт сөндіру және авариялық-құтқару жұмыстары қызметі (Қарағанды қаласы)» РММ №18 өрт сөндіру бөлімінің бөлімше командирі.

Азаматтық қорғау сержанты Нурхат Нусупов азаматтық қорғау органдары жүйесінде 2021 жылдың қаңтар айынан бастап, атқаратын лауазымында 2023 жылдың мамыр айынан бастап қызмет етеді. Ол – «Қазақстан Республикасы Төтенше жағдайлар министрлігі Қарағанды ​​облысы төтенше жағдайлар департаменті Өрт сөндіру және авариялық-құтқару жұмыстары қызметі (Қарағанды қаласы)» РММ №18 өрт сөндіру бөлімі өрт сөндіру автокөліктерінің жүргізуші-қызметкері.

Қарағанды облысы ТЖД баспасөз қызметі