Қарағанды облысында «Өрт-2024» Республикалық командалық-штабтық оқу-жаттығулары басталды

2024 жылғы 15 мамырда Қарағанды ​​облысында оқу-жаттығудың бірінші кезеңі өтуде, атап айтқанда: «Мемлекеттік органдар мен мемлекеттік азаматтық қорғау жүйесінің күштерін функционалдық міндеттерді орындауға дайындау».

Оқу-жаттығу аясында облыстық және жергілікті атқарушы органдарға «Дабыл - 1001» сигналы жеткізіліп, құрылымдар мен күштердің функционалдық тапсырмаларды орындауға дайындығы туралы ведомстволардың есептері тыңдалып, сиреналар іске қосылды.

Оқу-жаттығудың екінші кезеңі ағымдағы жылдың 16 мамырында «Табиғи өрт жағдайындағы төтенше жағдайларды жою кезіндегі мемлекеттік азаматтық қорғау жүйесінің күштері мен құралдарын басқару» тақырыбымен өтеді.

Қарағанды облысы ТЖД баспасөз қызметі