Қарағанды облысының автожолдарындағы құтқару операциялары

14 қаңтар Осакаров ауданында «Осакаровка-Молодежный» автожолының 49 шақырымында ТЖД күштерімен қар құрсауында қалып қойған 3 автокөліктен 8 адам құтқарылып Молодежный кентіне жеткізілді. Медициналық көмек қажет болмады.

Теміртау қаласы блокпосттан ТЖД күштерімен  кептелісте тұрған автокөліктерден 16 адам жол бойындағы кемпингке дейін жеткізілді.

Шет ауданында «Ақой-Сейфуллин-Ақсу-Аюлы-Ақтоғай-Балқаш» автожолының 133 шақырымында Нұра ауылы ауданында ТЖД  және жергілікті атқарушы органдарының күштерімен «Setra» техникалық ақаулы автобусынан Ақтоғай кентіне 32 адам (оның ішінде 5 бала) құтқарылды. Құтқарылғандарға медициналық көмек қажет болмады.

Қазіргі уақытта Қарағанды облысы бойынша автожолдар барлық бағыттар бойынша ашық.

Қатаң  ұсынамыз:

- автожолдардағы қозғалыстың жабылуы немесе шектелуі туралы ақпаратты қадағалау;

- ауа-райы нашарлаған жағдайда елді мекендерден тыс жерлерге шықпаңыз;

- жабылу орындарында автожолдарда көлік құралдарының жиналуын жасамаңыз.

Ауа-райының өзгеруі және автожолдардың жай-күйі туралы жедел ақпарат "Дармен" мобильді қосымшасында, ТЖД-ның әлеуметтік желілердегі ресми парақшаларында қолжетімді.

Барлық оқиғалар мен ТЖ фактілері туралы 112 немесе (8-7212) 43-36-36, 43-37-37 телефондарына хабарласуға болады.

 

Қарағанды облысы ТЖД баспасөз қызметі