Қаза тапқан өрт сөндірушіні еске алды

Құтқарушылар күні қарсаңында 1998 жылғы 20 ақпанда қызметтік борышын орындау кезінде қаза тапқан өрт сөндіруші Қайрат Тілеуғабұловтың ескерткіш пилонына салтанатты түрде гүл шоқтары қойылды. Оған Қарағанды облысы ТЖД қызметкерлері, ардагерлер мен батырдың жақындары қатысты.Іс-шара салтанатты жиын форматында Күнгей шағын ауданында өтті, оның көшелерінің біріне батыр Қайрат Тілеуғабұловтың есімі берілген болатын.
Ішкі қызмет капитаны Қайрат Тілеуғабұлов 1966 жылы 17 қаңтарда Қарағандыда дүниеге келген. КСРО Ішкі Істер Министрлігінің Алматы өрт-техникалық училищесін сәтті бітіріп, 1986 жылы Саран қаласының №29 әскерилендірілген өрт сөндіру бөлімінде еңбек жолын бастады.
Жауапты қызметкер біртіндеп қатарға көтерілді.
1997 жылы Қарағанды облысы МЖҚ кезекші қызметі өрт сөндіру басшысының көмекшісі лауазымына тағайындалды.
1998 жылғы 20 ақпанға қараған түні "Каргормаш" облыс орталығында зауыттың әкімшілік ғимаратында өртті жою кезінде ауа-райының қиын жағдайында (-28 аяз, қатты жел) және жеке құрамның жетіспеушілігі кезінде жанып жатқан ғимараттың мұзды шатырындағы ең қауіпті жауынгерлік учаскесін басқарды. Жауынгерлік тапсырманы орындау барысында ол шатырдан құлап түсіп, қаза тапқан болатын.
"Өткенсіз болашақ жоқ. Біз адамдарды құтқару үшін өз өмірін қиған, қызметтік міндеттерін орындау кезінде қаза тапқан қызметкерлерді ешқашан ұмытпаймыз. Олар туралы естелік әрқашан біздің жүрегімізде болады", - деп атап өтті ТЖД бастығы Мұрат Қатпанов.

Қарағанды облысы ТЖД баспасөз қызметі