Приозерск қаласында кешенді оқу-жаттығу өтіп жатыр

2023 жылғы 17 тамызда Қарағанды ​​облысы Приозерск қаласының аумағында «Бейбіт және соғыс уақытында төтенше жағдайлар қаупі төнген және туындаған кезде басқару органдарының, авариялық-құтқару қызметтерінің және халықтың іс-әрекеттері» тақырыбында кешенді оқу-жаттығулардың бірінші кезеңі өтті.
Оқу-жаттығуларға Қарағанды ​​облысы ТЖД, Приозерск қаласы әкімдігінің аппаратының, төтенше жағдайлардың алдын алу және жою жөніндегі қалалық комиссияның, эвакуациялық іріктеу комиссиясының, азаматтық қорғау қызметтері мен ұйымдарының бөлімшелері тартылды.
Өткізіліп жатқан кешенді оқу-жаттығудың мақсаты – мемлекеттік органдар басшыларының, авариялық-құтқару қызметінің күштері мен құралдарын қалалық азаматтық қорғау жүйесі жұмысының әртүрлі режимдеріне үйрету және дағдылары мен іс-әрекеттерін дамыту, олардың төтенше жағдайлар кезінде әрекет етуге дайындығын арттыру.
Оқу-жаттығулар қызметтер мен ұйымдар басшыларының практикалық іс-қимыл элементтерін пысықтаумен, қалалық азаматтық қорғау жүйесінің жұмыс істеуінің әртүрлі режимдерін және азаматтық қорғауға әзірлік дәрежелерін енгізген кезде азаматтық қорғау құралымдарымен, сондай-ақ бейбіт және соғыс уақытындағы төтенше жағдайлар туындаған кезде ықтимал жағдайларды енгізумен екі кезеңде өткізіледі.
Қалада бар дауыс ұлғайтқыштардың жұмысқа дайындығы тексерілді. Қалалық жедел әрекет ету тобы мен іздестіру-құтқару жасағының жұмысына шолу өткізілді. Приозерск қаласында өрт қауіпті объектілердегі өртті сөндіру, сондай-ақ суға батып бара жатқан адамды құтқару кезіндегі іс-қимылдарды әзірлеумен тактикалық-арнайы оқу-жаттығулар өткізілді.
Оқу-жаттығу барысында төтенше жағдай режимінде іс-шараларды орындау бойынша азаматтық қорғау қызметтерінің басшыларына тыңдаулар өткізілді.
Кешенді оқу-жаттығудың бірінші күнінің қорытындысы бойынша облыстың барлық азаматтық қорғау қызметтерінің бейбіт уақыттағы дайындығы бағаланды.

Қарағанды ​​облысы ТЖД баспасөз қызметі