Саяси қуғын-сүргін құрбандарын еске алу күні Қарағанды облысының ТЖД қызметкерлері «Карлаг» мұражайына барды

Жыл сайын 31 мамырда Қазақстанда Саяси қуғын-сүргін және ашаршылық құрбандарын еске алу күні атап өтіледі.

Қарағанды облысы ТЖД қызметкерлері Спасск мемориалдық кешені мен «Қарлаг» саяси қуғын-сүргін құрбандарын еске алу мұражайына барды.

Құтқарушылар қаза тапқандардың рухына тағзым етіп, Спасск мемориалдық кешеніндегі ескерткіштерге гүл шоқтарын қойды. Спасск мемориалы Қазақстан жерінде жатқан саяси қуғын-сүргін құрбандарының барлығына арналған ескерткіш болып табылады. Қазіргі уақытта бұл кешенде Еуропа мен Азияның 23 елінен әскери тұтқындарды, саяси тұтқындарды және жер аударылғандарды еске алуға арналған ескерткіштер орнатылған. Ескерткіштер санының өсуіне қарай мемориалдық кешен Қазақстандағы тарихи жадының халықаралық маңызы бар маңызды орталықтарының біріне айналуда.

ТЖД қызметкерлері Долинка кентіндегі бұрынғы Карлаг әкімшілігінің ғимаратында орналасқан саяси қуғын-сүргін құрбандарын еске алу мұражайына барды. Экскурсия барысында мұражай қызметкерлері тоталитаризм жылдарындағы Қазақстандағы саяси қуғын-сүргін туралы айтып, осы тарихи кезеңге байланысты экспозиция нысандарын көрсетті.

ТЖД қызметкерлеріне арналған экскурсия өте танымдық және қызықты болды. Олар Карлаг туралы, Қазақстан тарихындағы саяси қуғын-сүргіннің тарихи күрделі және сонымен бірге өте маңызды кезеңі туралы білімдерін толықтыруға мүмкіндік алды.

 

Қарағанды облысы ТЖД баспасөз қызметі