Осакаров ауданындағы су тасқыны жағдайы

27 наурыздағы жағдай бойынша Осакаров ауданында су тасқыны жағдайы тұрақты. Елді мекендерді су басып, жолдарды тасу тіркелген жоқ. Белсенді су басу процестері байқалмайды. Ауданның 50%-ға жуығын қар басып жатыр.
Су өткізгіштер мен көпірлерді тазалау бойынша жоспарланған барлық жұмыстар толық көлемде орындалды. Барлығы 462 су өткізгіш және 17 көпір. Тұрғын үй секторынан 38 100 м3 қар шығарылды. Елді мекендерде 34,56 шақырым дренаждық траншеялар кесіліп, 42,53 шақырым каналдар мен арықтар тазартылды. Су объектілеріндегі автоматты су төгетін құбырлар толығымен тазартылды.
Су тасқыны кезінде мұз кептелістерінің пайда болуының алдын алу мақсатында Николаевка ауылы шегіндегі Сабырқожа өзенінде 4 учаскеде, жалпы алаңы 1000 ш.м. аумақта мұзды жару бойынша жарылыс жұмыстары жүргізілді.
Қажет болған жағдайда мұз кептелісі қаупі төнген жағдайда Қарғала, Сабырқожа және Үлкен-Құндызды өзендерінде де жедел жарылыс жұмыстары жүргізіледі.
Барлық ауылдық округтер мен елді мекендерде су тасқыны кезеңінде іс-қимыл ережелері бойынша тұрғындармен белсенді профилактикалық жұмыстар жүргізілуде. 5 мыңнан астам халықты қамтыған 27 жиын өткізілді. Тұрғындарға 1800 дана парақшалар табыс етілді. Ауданда жұмыс жалғасуда және бақылауда.

 

 

 

Қарағанды олблысының ТЖД баспасөз қызметі