Абай ауданының су басу қаупі бар аймақтарын тексеру жұмыстары жүргізілді

2023 жылдың 07 наурызында Қарағанды облысы ТЖ департаментінің жедел тобы ауылдық округтер әкімдігі өкілдерімен бірлесіп Абай ауданының су басу қаупі бар аумақтарын тексерді.
Тексеріс кезінде жауын-шашын мөлшеріне, елді мекен ішіндегі қар тазалау жұмыстарының сапасына, сонымен қатар елді мекенге кіретін жолдарға, жолдардағы су өткізгіш құбырларды тазалауға, қорғаныш қорғандарының, өзен арналары бойындағы көпірлердің жай-күйіне назар аударылды. Тексеріс кезінде келесі елді мекендер қаралды: Абай қаласы, Құлайғыр, Жаман-Жол, Ялта, Юбилейное, Көксүн, Тасзайымка, Жон, Жартас, Дубовка ауылдары.
Облыс бойынша қардың орташа қалыңдығы 10 см.
Тексеріс нәтижесінде 4 елді мекеннің әкімдеріне көшелерді, арықтар мен су өткізгіш құбырларды қардан тазалауға қатысты жазбаша ескертулер берілді.
Елді мекендерді тексеру жалғасуда.

 

 

Қарағанды облысы ТЖД баспасөз қызметі