Түркиядағы жер сілкінісінің салдарын жоюға атсалысқан құтқарушылар облыс әкімінің Алғыс хатымен марапатталды

Бүгін, 1 наурызда бүкіл Қазақстан халқы Алғыс айту күнін атап өтуде.

Бұл күні Қазақстан халқы Ассамблеясы құрылды, ол Қазақстанда тұратын барлық этностардың бірлігі мен келісімінің символына айналды.

Осы іс-шара аясында Қарағанды қаласы Достық үйінде Қарағанды облысы әкімінің орынбасары Ербол Аликуловтың қатысуымен "Ұлы дала ұрпағына мың алғыс" атты мерекелік іс-шара өтті.

Ербол Аликулов барлығын мерекемен құттықтап, өңірдің қоғамдық өміріне үлес қосқан азаматтарға алғыс хаттар табыс етті. Марапатталғандардың қатарында Түркиядағы жер сілкінісінің салдарын жою жөніндегі жұмысқа қатысқан құтқарушылар мен дәрігерлер тобы бар. Әкімнің орынбасары құтқарушыларға қызметтік борышын орындаудағы жанқиярлығы үшін алғысын білдірді.

Еске салайық, жер сілкінісінің салдарын жоюға көмектесу үшін Түркияға құтқарушылар мен дәрігерлерден құралған 15 адамнан тұратын қарағандылық отряд жіберілген болатын. Іздестіру-құтқару жұмыстары барысында қарағандылық құтқарушылар 3 адамды құтқарып, қаза тапқан 11 адамның денесін шығарды.

Қарағандылықтар да үй жануарларын құтқарып, бағалы заттарды тапты. Көрсетілген көмектер үшін жергілікті тұрғындардан көптеген алғыстар айтылды.

 

Қарағанды облысы ТЖД баспасөз қызметі