Қазақстан Республикасы Төтенше жағдайлар министрлігінің бірінші вице-министрімен кездесу
2022 жылғы 11 қарашада Қазақстан Республикасының Төтенше жағдайлар жөніндегі бірінші вице-министрі генерал-майор Ибрагим Күлшімбаев «Nura Arnasy» еріктілер ұйымымен кездесті.
Кездесуді Нұра ауданының Жастар ресурстық орталығының директоры Талғат Шолтаевтің тікелей ұйымдастыруымен, сондай-ақ суға түсу маусымының және волонтерлік ұйымдар арасындағы «2022 жылғы жүзу маусымының үздік волонтері» номинациясы бойынша байқаудың қорытындысы бойынша Қарағанды облысының Төтенше жағдайлар департаментінің үйлестіруімен ұйымдастырылды.
Еріктілермен кездесу барысында Ибрагим Күлшімбаев Астана қаласының №6 мамандандырылған өрт сөндіру бекетіне экскурсия жүргізіп, құтқарушылардың жұмысы және жалпы Төтенше жағдайлар министрлігінің қызметі туралы айтып берді. Сондай-ақ, волонтерлар су айдындарындағы қауіпсіздікті қамтамасыз ету және Қарағанды облысының Төтенше жағдайлар департаментімен өзара әрекеттесу мәселелері бойынша Қарағанды облысы аумағындағы қызметі туралы айтты.
Кездесу қорытындысы бойынша генерал-майор Ибрагим Күлшімбаев волонтерлерге жүргізіліп жатқан профилактикалық жұмыстар мен белсенді ынтымақтастық үшін алғыс айтып, волонтерлерге алғыс хаттар табыс етті.
Өз кезегінде, Қарағанды облысының ТЖ Департаменті Талғат Шолтаевқа төтенше жағдайлардың алдын алу мәселелеріндегі белсенді азаматтық ұстанымы және еріктілердің үйлесімді жұмысы үшін зор алғысын білдіреді.Сізге табыс, одан әрі өркендеу және даму тілейміз!
Қарағанды облысының ТЖД баспасөз қызметі