Парламент Мәжілісі депутатының Қарағанды облысына жұмыс сапары жалғасуда.

Парламент Мәжілісінің депутаты Александр Милютин сапарының екінші күні Қарағанды қаласында орналасқан ҚР ТЖМ №52859 әскери бөлімін аралаудан басталды. Депутат ТЖМ әскери бөлімшесінің қызметімен танысты. №52859 әскери бөлімі Қазақстан Республикасы ТЖ министрлігінің жедел бөлімшесі болып табылады, ауқымды сипаттағы төтенше жағдайларды жою бойынша міндеттерді орындайды. Жауынгер-құтқарушыларды оқыту үшін бөлімде заманауи материалдық базамен жабдықталған оқу корпусы бар.
Сапар қаза тапқан өрт сөндірушілер мемориалына гүл қою және №10 өрт сөндіру бөліміне бару арқылы жалғасты.
Төтенше жағдайлар департаментінің бастығы Мұрат Қатпанов мәжілісменді бөлімшенің қызметімен және қолда бар өрт-құтқару техникасымен таныстырды. Бұл Қарағандыдағы ең қолданбалы өрт сөндіру бөлімдерінің бірі екенін атап өтті.
Содан кейін депутат ТЖД мұражайына барып, мұражай жұмысымен және экспозициялық залдармен танысты.
Әскери қызметшілермен және өрт сөндіруші-құтқарушылармен кездесу кезінде азаматтық қорғау қызметінің қызметіне қатысты аса маңызды проблемалар талқыланды, жақын арада шешілуі тиіс негізгі міндеттер белгіленді.
Депутат референдумның маңыздылығын атап өтті. Референдум елдің басты заңы – Қазақстан Республикасының Конституциясына өзгерістер мен толықтырулар енгізу үшін өткізіледі.
Реформа билік тармақтары арасындағы қарым-қатынас теңгерімін оңтайландырады, халықтың елді басқаруға қатысуын кеңейтеді, азаматтардың конституциялық құқықтарын қорғауды күшейтеді.
Қазақстан Республикасы азаматының әрбір дауысы маңызды.
Әрбір қазақстандық жаңа Қазақстанның құрылысы мен дамуына қатысуы тиіс.
Мәжіліс депутаты ТЖМ жүйесіндегі әскери қызметшілер мен өрт сөндіруші-құтқарушылардың ерекше еңбегін атап өтті.
Ол өрт сөндіру және авариялық-құтқару жұмыстарын жүргізудегі ерлігі мен батылдығы үшін қызметкерлерге алғыс айтты.