Өңірлік коммуникациялар қызметінде "Қарағанды облысындағы су тасқынының алдын алу және гидрометеорологиялық жағдай"тақырыбында брифинг өткізілді

Брифингте ТЖ департаментінің бастығы Мұрат Қатпанов пен "Қазгидромет" РМК Қарағанды облысы бойынша филиалының гидрология бөлімінің бастығы Ілияс Сейтқалиев өңірдегі су тасқыны жағдайы туралы айтып берді.
"Қазіргі уақытта облыста су тасқыны жағдайы тұрақты. Қазгидрометтің мәліметтері бойынша, Нұра, Шерубай-Нұра, Сарысу, Кеңгір, тоқырау өзендері бассейніндегі ылғал қорының көлемі Қазгидрометтің мәліметтері бойынша орташа көп жылдық мәннен 25-45% - ға төмен.Топырақтың ылғалдануы Нұра, Кеңгір және Сарысу өзендерінің бассейндерінде нормадан 13-62%-ға төмен, Шерубай-Нұра өзені бассейніндегі норма шегінде. Тоқырау өзенінің бассейнінде орташа көп жылдық мәннен 25% жоғары. Көктемгі су тасқынының алдын ала күтілетін көлемі өткен жылғы нормалардан төмен", - деді Мұрат Катпанов.
Су тасқынына қарсы жұмыстар облыс әкімі бекіткен іс-шаралар жоспарына сәйкес жүргізіледі.
Су тасқыны қаупі бар 158 елді мекен ерекше бақылауға алынды. Халық үшін ТЖ қаупі және туындауы кезіндегі іс-қимылдар бойынша арнайы ұсынымдар әзірленді.
Елді мекендерден 652 мың м3 жуық қар шығарылды. Бұл жұмыстар жалғасуда.
Сондай-ақ, ұзындығы 8,9 км 7 канал және ұзындығы 7,1 км 6 арық тазартылды, ұзындығы 5,1 км су бұрғыш траншеяларға кесу жүргізілді.
Су тасқыны кезеңіндегі ТЖ салдарын жою үшін облыс аумағында саны 8000-нан астам адам, 2400 бірліктен астам техникасы бар 383 құралымда күштер мен құралдарды жұмылдыру жоспарлануда.
Су тасқыны жағдайын бақылау, ТЖ жою бойынша басқару органдарының іс-қимылын үйлестіруді облыстық су тасқынына қарсы штаб жүзеге асырады.
Жедел топтар су тасқыны қаупі бар елді мекендерді аралауда. 7000 адамды қамти отырып, халықпен 96 жиын өткізілді.",- деді Мұрат Қатпанов.
Спикерлер жеке сектор тұрғындарын өз аумақтарындағы қарама-қарсы іс-шараларға уақтылы қамқорлық жасауға шақырды. Арық жүйесін уақтылы тазарту, қар шығару және жеке тұрғын үй секторының тұрғындары қабылдайтын басқа да алдын алу шаралары маңызды алдын алу шарасы болып табылады және аула аумақтары мен құрылыстарын су басудың алдын алуға көмектеседі.

Қарағанды облысы ТЖД баспасөз қызметі