Қызыл Жарты Ай қоғамы Апаттар Медицинасы Орталығымен бірлесіп Қарағанды трассаларында құтқару пункттері үшін мөлшерлі азық дайындады
Қызыл Жарты Ай қоғамы трассалық медициналық-құтқару пункттері үшін белгілі бір мерзім үшін мөлшерлі азық жинады. Бұл бағыттағы жұмыс Апаттар медицинасы орталығының Қарағанды филиалымен жүргізіліп жатыр.
Қарағанды облысының аумағында жеті трассалық медициналық-құтқару пункті жұмыс істейді. Қысқы кезеңде олар қар құрсауында қалған адамдар үшін жылыту пункттері ретінде де пайдаланылады. Трассалық медициналық-құтқару пункттерінде жүргізушілер мен жолаушылар тек медициналық көмек алып қана қоймай, ауа-райының қолайсыз уақытында да күте алады.
Мөлшерлі азық құрамына консервілер, жедел кеспе, су, шай, кофе кіреді. Өткен 2021 жылы Қарағанды облысының трассалық медициналық-құтқару пункттерінде 300-ден астам адам медициналық көмек алды.
Қарағанды облысы ТЖД баспасөз қызметі