Қарағандылық құтқарушылар балалар үйінің тәрбиеленушілерін келе жатқан Жаңа жылмен құттықтады

Қарағанды облысы ТЖ департаменті даму мүмкіндігі шектеулі балаларға арналған балалар үйінің тәрбиеленушілері мен бүкіл ұжымын келе жатқан Жаңа жылмен құттықтады.
Өрт сөндірушілер мен құтқарушылар жауынгерлік киімдерін киіп, балаларды ең күтілетін мерекемен құттықтауға келді. Бірақ әдеттегі құттықтаулардың орнына балалар күшті және батыл адамдардың кәсібі туралы әңгімелерді естіді. Сондай-ақ, өрт сөндірушілер мен құтқарушылар өз жабдықтарын көрсетті, зардап шегушіге алғашқы көмек көрсету бойынша мастер-класс өткізді.
Балалар құтқару киімін киіп көруге тырысты, қауіпсіздік туралы сұрақтарға жауап берді және өздері көптеген түрлі сұрақтар қойды. Ең белсенділері құтқарушылардың қолынан естелік кәдесыйлар алды.
Балалар үшін басты тосынсый кітаптар болды. Төтенше жағдайлар департаменті балалар үйінің кітапхана қорына кітаптар тапсырды.
Әрине, тәтті сыйлықтарсыз болмады. Жаңа жыл алдындағы барлық балалар сияқты балалар үйінің тәрбиеленушілері де тәттілер алды.
"Жаңа жыл - сиқырлы мереке, бұл уақытта балалар ғажайыпты күтеді және ертегі бақытына сенеді. Балалар үйінде тәрбиеленіп жатқан балаларға өз махаббатының бір бөлігін сыйлау, жылдың басты мерекесін одан да бақытты және мейірімді ету біздің қолымызда", - деп атап өтті құтқарушылар.

 

Қарағанды облысы ТЖД баспасөз қызметі