Қарағанды облысы ТЖД қызметкері бокстан чемпион атанды

2021 жылғы 19-21 қараша аралығында Нұрсұлтан қаласында бокстан ашық республикалық турнир өтті. Турнирге Қарағанды облысы ТЖД Өрт сөндіру және авариялық-құтқару жұмыстары қызметінің қызметкері капитан Мухамедрахим Нуркеев қатысты. 64 келі салмақ дәрежесінде өнер көрсеткен әріптесіміз бірінші орынға ие болды.

    Мұхамедрахим бала кезінен грек-рим күресімен айналысқан, қазір үстел теннисімен, аралас жекпе-жек және бокспен айналысады!

    Сонымен қатар ол Қарағанды облысының Өрт-құтқару спорты бойынша аға жаттықтырушысы болып табылады!

Жеңісіңізбен құттықтаймыз және үлкен жетістіктер тілейміз!

 

Қарағанды облысы ТЖД баспасөз қызметі