Автокөліктердің жану жағдайлары жалғасуда

Қарағанды облысында 4 күн ішінде автокөліктердің жануы бойынша 9 өрт тіркелді. Өрт Қарағанды, Теміртау, Жезқазған, Шахтинск қалаларында, Ақтоғай және Қарқаралы аудандарында орын алды.
Ағымдағы жылдың басынан бері облыста автокөлікте 207 өрт тіркелді.
Көбінесе өрттер отын және электр жүйелерінің ақаулығымен байланысты ішкі тұтану көздерінен, сондай-ақ отты абайсыз пайдаланудан туындайды.
Автокөлік дизайнында көптеген жанғыш материалдар қолданылады. Бұл ағаш, полимер, резеңке-техникалық бұйымдар, бояулар мен лактар. Өрт жүктемесі, тежегіш, салқындату жүйелерінде, гидравликалық жабдықта қолданылатын жанғыш сұйықтықтармен, сондай-ақ автомобиль отынымен толықтырылады. Сондықтан кез келген автокөлікте өрт қауіпсіздігі шараларын қатаң сақтау қажет.
Автомобиль өрттерінің динамикасы оның пайда болу орнымен анықталады. Мысалы, тұрақта тұрған жеңіл автомобильдің мотор бөлігінде жанған кезде жалын 8-10 минуттан кейін салонға дейін таралады, салон 1-3 минуттан кейін толығымен жанады. Автомобиль жанған кезде отын жүйесінің тығыздығы бұзылып, ағып жатқан отын тұтанады.
Сіздің көлігіңізде қиындықтар болмас үшін автокөлік иелеріне кеңес береміз:
- автокөлікке уақытылы техникалық қызмет көрсету;
- электр сымына ерекше назар аудара отырып, оның дұрыс жұмыс істеуін үнемі қадағалау;
- әрқашан өзіңізбен бірге машинада өрт сөндіргіш болуы керек, оны өзіңіз үшін оңай қол жетімді жерде ұстаңыз;
- қысқы уақытта қатып қалған бөлшектерді жылыту үшін ашық отты пайдаланбау керек.