Қарағанды облысында өртте 8 адам құтқарылып, 15 адам эвакуацияланды

Өткен тәулікте 5 сәуірде Қарағанды облысы Төтенше жағдайлар департаментінің бөлімшелері өрт сөндіруге және авариялық-құтқару жұмыстарын жүргізуге 12 рет шықты. Оның барысында 11 адам құтқарылды, оның ішінде 7 бала және 15 адам эвакуацияланды.
5 сәуір күні сағат 17:48-де Балқаш қаласында өрт шыққаны туралы хабарлама келіп түсті. Желтоқсан көшесі бойындағы 5 қабатты тұрғын үйдің 4-ші қабатындағы пәтерде жалпы ауданы 10 ш.м. өрт орын алды. №5 мамандандырылған өрт сөндіру бөлімінің күшімен 5-ші қабаттағы пәтерден автосаты арқылы 2 адам құтқарылды, оның ішінде 1 бала және баспалдақ маршы арқылы 8 адам эвакуацияланды. Өрт 18:43-те сөндірілді. Қаза болғандар мен зардап шеккендер жоқ. Алдын ала болжам бойынша өрттің себебі электр сымдарының қысқа тұйықталуы болды.
Түнде сағат 23:30-да "101" пультіне Қарағанды қаласы Ишимская көшесіндегі 4 қабатты үйде өрт шыққаны туралы хабарлама келіп түсті.
Шақыру орнына жеткен өрт сөндіру бөлімшелерімен кіреберісте қатты түтін байқалды. Газ-түтіннен қорғау қызметінің екі буыны подъезд тұрғындарын барлауға, құтқаруға және эвакуациялауға бағытталды.
Құтқарушылар баспалдақ маршы бойынша кіреберіс пәтерлерінен құтқару қалпақтарының көмегімен 6 адамды, оның ішінде 4 баланы құтқарып, 7 адамды эвакуациялады.
Жану жалпы ауданы 12 ш. м. 4-қабаттағы пәтерде орын алды.
Өрт салдарынан жеңіл дәрежедегі тұншықтырғыш газбен уланған 1996 жылы туған пәтердің тұрғыны мен 2017, 2018 және 2020 жылы туған балалар медициналық мекемеге жатқызылды.
Өртті сөндіруге Қарағанды облысы ТЖД Өрт сөндіру қызметінің жеке құрамынан 26 адам және 7 бірлік техникасы жұмылдырылды.
Алдын ала болжам бойынша өрттің себебі электр сымдарының қысқа тұйықталуы болды.
Қарағанды облысының ТЖД азаматтардан өз қауіпсіздігі мәселесіне мұқият және байыпты қарауды және тұрмыста өрт қауіпсіздігі ережелерін сақтауды сұрайды:
- сөндірілмеген темекілерді, сіріңкелерді, шырақтарды және басқа да от көздерін қалдырмауға;
- электр сымдары мен аспаптарының жарамдылығын қадағалау;
- электр желілерін шамадан тыс жүктемеу;
- тек жарамды пеш, газ, электр жабдықтарын пайдалану.
Сондай-ақ өрт туындаған кездегі тәртіп ережелерін еске саламыз.
Өрттің алғашқы белгілерінде бірден 101 немесе 112 нөміріне қоңырау шалу қажет. Ешбір жағдайда дүрбелеңге бой алдырмаңыз!
Қатты түтінді кеңістікте қозғалу немесе иілу керек, өйткені төменде түтін аз болады. Мұрын мен ауызды дымқыл шүберекпен, сүлгімен және т. б. жабу керек.
Егер шығу жолы от пен түтінмен кесілген болса және баспалдақ маршымен жүгіруге мүмкіндік болмаса, балконға шығып, балкон есігін мықтап жауып немесе терезе алдында тұру керек.
Есіңізде болсын! Өрт кезінде лифтіні пайдалануға тыйым салынады.

Қарағанды облысы ТЖД баспасөз қызметі