Бұқар Жырау ауданының су тасқыны қауіпті учаскелері тексерілді

1 сәуірде Қарағанды облысы ТЖД бастығының орынбасары Ақылбек Ахметжанов пен Бұқар Жырау ауданы әкімінің орынбасары Арман Дардақов Бұқар Жырау ауданының су тасқыны қаупі бар учаскелерін аралап шықты.
Аралау барысында Павлодар облысының ТЖД және Баянауыл ауданының басшылығымен бірлесіп Қарағанды облысы Бұқар Жырау ауданының және Павлодар облысы Баянауыл ауданының шекара маңы учаскесінде орналасқан Ақжар бөгетінің су тасқыны кезеңіне дайындық жағдайы қаралды.
2021 жылғы су тасқыны кезеңіне дайындық аясында Бұқар Жырау ауданының елді мекендерінде 2020 жылы жалпы ұзындығы 15 шақырымнан асатын ауданның 9 елді мекенінде қолданыстағы қорғаныс құрылыстарын салу және нығайту бойынша іс-шаралар өткізілді.
Ауданның елді мекендерінде еріген қар суларын өткізу үшін арықтар кеңейтіліп, қосымша 160 метр құбыр тартылды.
Елді мекендерден қарды тазалау және шығару жұмыстары жалғасуда, барлығы 25 мың м3 шығарылды.
Жергілікті маңызы бар автожолдарда 170 су өткізу құбыры және 2 көпір бар. Барлық құбырларды тазалау жұмыстары аяқталды.
Ауданның елді мекендерінде ұзындығы 27 км-ден асатын 58 арық пен каналдар тазартылды.
Ықтимал төтенше жағдайларға ден қоюға ауданның шұғыл ден қою жиынтық жасағы тұрақты әзірлікте болады. Жасақ өтімділігі жоғары және басқа да арнайы техникамен, қажетті жабдықтармен жабдықталған. Сонымен қатар, ауылдық округтерде бірінші кезекте әрекет ететін жеке топтар бар.

Қарағанды облысы ТЖД баспасөз қызметі