Құрметті Қарағанды облысының тұрғындары мен қонақтары!
Қазгидрометтің мәліметі бойынша облыс аумағында ағымдағы жылдың 30 желтоқсанынан 2021 жылдың 2 қаңтарына дейін температураның біртіндеп 20 градустан 43 градусқа дейін төмендеуі, сонымен бірге кей жерлерде қар жауып, боран соғуы күтілуде.
Қарағанды облысының ТЖД ауа райы нашарлаған кезде және түнде, әсіресе кішкентай балалармен елді мекендерден тыс жерлерге және алыс қашықтықтарға жаяу жүруден бас тартуды, ауа-райына сәйкес киінуді ұсынады.
Көлік жүргізушілеріне автомобильдердің жарамдылығын мұқият тексеру ұсынылады, әсіресе дизель отынымен жүретін. Автожолдағы қозғалыстың жабылуы немесе шектелуі туралы ақпаратты қадағалап отыруларыңызды сұраймын.
Жылыту жабдықтары мен электр құрылғыларын пайдалану ережелеріне ерекше назар аударыңыз: пешті қатты қыздырмаңыз және электр жүйесін шамадан тыс жүктемеңіз.
Қарағанды облысы ТЖД