Қарағанды облысында саяжай маусымы ашылуда. Саяжай тұрғындары мен бағбандар өз учаскелерін тазарту және егу жұмыстарын бастады. Көктемгі-жазғы кезеңде саяжай учаскелерінде өрт шығу қаупі едәуір артады.
Өрттің алдын алу мақсатында ТЖД қызметкерлері барлық жерде үгіт-насихат және алдын алу шараларын жүргізуде. Тұрғын үй секторы мен саяжайларда тұрғындар арасында түсіндірме әңгімелері жүргізіліп, жадынамалар таратылады. ТЖД өрт қауіпті кезеңге арналған жедел штаб жұмысын бастады.
Саяжай үйлеріндегі өрттің ең көп тараған себептеріне лақтырылған темекі тұқылдары, сөндірілмеген оттар және басқа да ашық от көздері (мангалдар, барбекюлер), жанғыш заттармен абайсызда әрекет ету жатады.
Сонымен қатар, тозған электр сымдары, үйде жасалған немесе ақаулы электр құрылғылары мен пештер өрттің себебі болуы мүмкін.
Қарағанды облысының ТЖ департаменті өрт қаупі кезеңінде қауіпсіздік ережелерін сақтауды еске салады! Қиындықтарды болдырмау үшін саяжайды және оған жақын аумақты құрғақ шөптен және жанғыш қоқыстардан тазарту кезінде қарапайым қауіпсіздік шараларын білу және сақтау қажет. От жағу және қалдықтарды жағу ғимараттар мен құрылыстардан кемінде 50 метр қашықтықта жүргізілуі керек. Ал желді ауа-райында от жағуға әдетте жол берілмейді.
Елді мекендер мен ұйымдардың аумағында жанғыш қалдықтар полигондарын ұйымдастыруға тыйым салынады, олар уақтылы шығарылуға тиіс.
Осы мақсаттар үшін арнайы бөлінген орындарда қалдықтар мен контейнерлерді жағу бақылауда болуы керек.
Электр сымдарын, жылытқыштарды, пештерді тексеріп, қажет болған жағдайда жөндеу және ауыстыру қажет.
Қарағанды облысы ТЖД баспасөз қызметі