Қазгидромет Атырау филиалының деректеріне сәйкес, 14 маусымда күндіз Атырау облысының батысында, оңтүстігінде шаңды дауыл күтіледі. Оңтүстік-шығыстан, күндіз облыстың батысында, оңтүстігінде 15-20 м/с. жел соғады. Күндіз 38 градус қатты ыстық сақталады. Облыстың солтүстігінде, шығысында, оңтүстігінде төтенше өрт қаупі сақталады.
Атырау облысы Төтенше жағдайлар департаменті төмендегі қауіпсіздік шараларын сақтауды ұсынады:
- күн сәулесі тікелей түсетін жерлерде мүмкіндігінше аз болуға тырысыңыз.
- алкогольді ішімдік ішпеңіз;
- сұйықтықты (салқындатылған су, минералды су) мүмкіндігінше көп ішуге тырысыңыз;
- балаларды авто көліктердің ішіне аз уақытқа болса да қалдырмаңыз;
- далада, тоғайда жанып тұрған сіріңкелерді, темекі тұқылдарын, бықсыған шүберектерді тастамаңыз;
- майланған немесе бензин, керосин немесе өзге де жанғыш заттар сіңген сүрту материалдарын қалдырмаңыз.
Егер сіз төтенше жағдайға тап болсаңыз және сіздің өміріңізге қауіп төнгендей жағдай болса, «112», «101» бірыңғай құтқару қызметіне қоңырау шалыңыз.
Атырау облысы ТЖД
Қоғаммен байланыс тобы