ҚР ТЖМ еңбек тәртібінің қағидалары туралы

Атырау облысының төтенше жағдайлар департаменті Өнеркәсіптік қауіпсіздік басқармасында Қазақстан Республикасы Төтенше жағдайлар министрінің 2025 жылғы 3 сәуірдегі №121 «ҚР ТЖМ еңбек тәртібі ережелері туралы» бұйрығына сәйкес екі күндік демалыс күндерімен бес күндік жұмыс аптасы, сағат 8.00 ден бастап 17.30 –ға дейін, 12.00 ден бастап 13.30 –ға дейін түскі үзіліс болып бекітілді. 

Атырау облысының төтенше жағдайлар департаменті Өнеркәсіптік қауіпсіздік басқармасы төмендегі Қағидаларға сәйкес келесі мемлекеттік қызмет түрлерін көрсетеді:

  1. Қазақстан Республикасы Төтенше жағдайлар министрінің м.а. 2021 жылғы 16 қыркүйектегі №454 бұйрығымен бекітілген «Қауіпті өндірістік объектіні пайдаланатын ұйымдардың қауіпті өндірістік объектіні салуға, кеңейтуге, реконструкциялауға, жаңғыртуға, консервациялауға және жоюға арналған жобалау құжаттамасын келісу»
  2. Қазақстан Республикасы Инвестициялар және даму министрінің 2014 жылғы 30 желтоқсандағы №350 бұйрығымен бекітілген «Жарылыс жұмыстарын жүргізуге рұқсат беру»
  3. Қазақстан Республикасы Төтенше жағдайлар министрінің 2021 жылғы 29 қыркүйектегі №485 бұйрығымен бекітілген «Қауіпті өндірістік объектілер мен қауіпті техникалық құрылғыларды есепке қою және есептен шығару»
  4. Қазақстан Республикасы Инвестициялар және даму министрінің м.а. 2015 жылғы 25 қарашадағы №1100 бұйрығымен бекітілген «Өнеркәсіптік қауіпсіздікті декларациялайтын заңды тұлғалар басшыларымен, сондай-ақ аталған заңды тұлғалардың тұрақты жұмыс істейтін емтихан комиссиялары мүшелерімен емтихан тапсыру».

Аталған көрсетілетін мемлекеттік қызметтердің жұмыс кестесі:

Қазақстан Республикасының Еңбек кодексіне (бұдан әрі - Кодекс) сәйкес демалыс және мереке күндерін қоспағанда, дүйсенбіден бастап жұманы қоса алғанда, белгіленген жұмыс кестесіне сәйкес сағат 12.00-ден 13.30-ға дейінгі түскі үзіліспен сағат 08.00-ден 17.30-ға дейін.

Жұмыс уақыты аяқталғаннан кейін, демалыс және мереке күндері жүгінген кезде Кодекске сәйкес өтінішті қабылдау мен мемлекеттік қызмет көрсету нәтижесін беру келесі жұмыс күні жүзеге асырылады.

 

Дата публикации
16 апреля 2025