Қазақстан Республикасы Төтенше жағдайлар министрлігінің М. Ғабдуллин атындағы Азаматтық қорғау академиясы

Қазақстан Республикасы Төтенше жағдайлар министрлігінің

М. Ғабдуллин атындағы Азаматтық қорғау академиясы

 

Қазақстан Республикасы Төтенше жағдайлар министрлігінің Мәлік Ғабдуллин атындағы Азаматтық қорғау академиясы келесі мамандықтар бойынша білікті офицерлерді дайындайтын жоғары оқу орны:

 «6В12302 – Өрт қауіпсіздігі»;

«6В12303-Төтенше жағдайларда қорғау»;

«6В12304- Өрт сөндіру және авариялық-құтқару ісі»

6В12191 –Азаматтық қорғаныс күштерінің командалық тактикалық»;

 

Оқуға түсу шарттары

 

Академияның күндізгі оқу түрі бойынша оқуға орта білімі бар, 16 жасқа толған, денсаулығы бойынша әскери қызметке және оқуға жарамды Қазақстан Республикасының азаматтары (ер балалар мен қыз балалар) қабылданады.

Оқуға қабылдау Қазақстан Республикасы Білім және ғылым министрлігімен өткізілетін ұлттық бірыңғай тестілеу (ҰБТ) қорытындылары сертификаттарының балдарына сәйкес жүргізіледі.

Азаматтарды күндізгі оқу түрі бойынша оқуға қабылдау төрт кезеңнен тұрады:

• бірінші кезеңде қабылдау комиссиясы үміткерлердің жеке істерімен танысып, содан кейін ҰБТ нәтижесі бойынша іріктеу жүргізеді (ҰБТ тапсыру үшін пәндер: математикалық сауаттылық, оқу сауаттылығы, Қазақстан тарихы, бейінді пәндер - математика, физика).
• екінші кезеңде медициналық және психофизиологиялық көрсеткіштері бойынша оқуға түсуге денсаулығының жарамдығын анықтау мақсатында іріктеу жүргізіледі.
• үшінші кезеңде үміткерлер бекітілген Нормативтерге сәйкес дене шынықтыру дайындығы бойынша сынақтар тапсырады
•  

 

№	норматив атауы	баға
		«үздік»		«жақсы»		«қанағаттанарлық»
		ер балалар үшін	қыздар үшін	ер балалар үшін	қыздар үшін	ер балалар үшін	қыздар үшін
1	100 метрге жүгіру (сек)	14,.0	16.0	14.5	16.5	15.0	17.0
2	1000 метрге жүгіру (мин/сек)	3.40	4.40	3.50	5.00	4.00	5.20
3	тартылу (тартылу саны)	11	-	9	-	7	-
4	1 минут ішінде шалқадан жатып кеудені көтеру (көтеру саны)	-	35	-	30	-	25

 

• төртінші кезеңде қабылдау комиссиясы конкурстық іріктеу жүргізеді және Академия курсанттары қатарына қабылдайды, сонымен қатар шет елдердің бейінді оқу орындарына іріктеу жасайды.

Академияға оқуға қабылдау медициналық, дене бітімі мен психофизиологиялық көрсеткіштері бойынша іріктеу қорытындыларын есепке ала отырып, ҰБТ қорытындылары бойынша сертификат балдарына сәйкес конкурс бойынша жүргізіледі.

Курсанттар республикалық бюджет есебінен оқытылады. Курсанттар барлық оқу кезеңіне киім-кешекпен, тамақтану және келесі мөлшерде: 1-2-курс – 12 628,57, 3 курс – 23000 тенге, 4 курс –  43 831,92 тенге  мемлекеттік шәкіртақымен қамтамасыз етіледі.

Оқу мерзімі -4 жыл. Ер балалар мен қыз баллар 1 курстан 3 курсқа дейін Академия жатақханасында, 4 курста өз есебінен жатақханадан тыс жерде Көкшетау қаласында тұрады.

Білім алу уақыты әскери қызметті өтеу уақытына теңеледі.

Академияны аяқтағаннан кейін «азаматтық қорғау лейтенанты» арнайы атағы беріледі.

 

Академияға оқуға түсуге ынта білдірген тұлғалар келесі мекенжайлар бойынша өтініш білдіре алады:

• Астана қаласы Төтенше жағдайлар департаментінің Кадр және тәрбие жұмысы басқармасы. Астана қаласы Жангелдин көшесі, 24.

Байланыс телефоны: 8 (7172) 32-01-88;

• Астана қаласы ТЖД «Өрт сөндіру және авариялық-құтқару жұмыстары қызметі» мемлекеттік мекемесінің Кадр және тәрбие жұмысы бөлімі. Астана қаласы Актау көшесі 6/1.

          Байланыс телефоны: 8(7172) 30 -04-89

Дата публикации

09 августа 2024