Қазақстан Республикасы Төтенше жағдайлар министрлігіАлматы қаласы Төтенше жағдайлар департаментінің заң тобы туралы ереже

Алматы қаласы Төтенше жағдайлар

департаменті бастығының

2021 жылғы «____» __________

№ ____ бұйрығына

№ ____ қосымша

 

Қазақстан Республикасы Төтенше жағдайлар министрлігіАлматы қаласы Төтенше жағдайлар департаментінің

заң тобы туралы ереже

 

  1. Жалпы ережелер

 

  1. Қазақстан Республикасы Төтенше жағдайлар министрлігі Алматы қалаласы Төтенше жағдайлар департаментінің заң тобы (бұдан әрі – Топ) Қазақстан Республикасы Төтенше жағдайлар министрлігі Алматы қаласы Төтенше жағдайлар департаментінің (бұдан әрі – Департамент) құрылымдық бөлімшесі болып табылады.
  2. Топ өз қызметінде Қазақстан Республикасының Конституциясын, Қазақстан Республикасының заңдарын, Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
  3. Топтың құрылымы, штаттық саны Департаменттің штаттық кестесімен айқындалады.
  4. Топ үш әкімшілік мемлекеттік қызметкерден тұрады.

 

  1. Топтың негізгі міндеттері, функциялары, құқықтары мен міндеттері

 

  1. Міндеті:Департамент қызметінде заңдылықтың сақталуын қамтамасыз етеді.

Функциялары:

  • Департаментте Қазақстан Республикасының нормативтік құқықтық актілеріне мониторинг жүргізуді тұрақты негізде үйлестіреді;
  • шарттардың заңнама талаптарына сәйкестігін, шарттар бойынша міндеттемелер орындалмаған және тиісінше орындалмаған кезде экономикалық ықпал ету шараларының қолданылуын қамтамасыз етеді;
  • соттарда, сондай-ақ басқа мемлекеттік органдарда ұйымдарда Департамент қызметінің құқықтық мәселелерін қарау кезінде Департаменттің мүдделерін белгіленген тәртіппен ұсынады;
  • заңнамада көзделген негіздемелер болған жағдайда, Департамент пайдасына шешілмеген сот актісі бойынша барлық сот инстанцияларына шағымдану бойынша уақытылы шаралар қабылдайды, сондай-ақ заңнамада белгіленген тәртіппен қадағалау тәртібінде, құзыреті шегінде наразылық білдіру туралы қолдау хаттарын жазып, прокуратура органдарына өтініштермен жүгінеді;
  • құзыреті шегінде Департаменттің пайдасына заңды күшіне енген сот актілерін орындау жөніндегі шараларды қабылдауды қамтамасыз етеді.
  1. Міндеті:Департаменттің заңнаманы қолдану практикасын қорытындылайды.

Функциялары:

тиісті сот талқылауына әкеп соқтырған негізгі себептер мен жағдайларды анықтау мақсатында Департаменттің қатысуымен даулар бойынша талап арыз жұмысының, сот тәжірибесінің жай-күйін талдайды және оларды жою және кінәлі лауазымды тұлғаларды жауапкершілікке тарту жөнінде ұсыныстар енгізеді.

  1. Міндеті:құқықтық актілердің, шарттардың, іс жүргізу құжаттарының, сондай-ақ заңдық сипаттағы басқа да құжаттардың жобаларын әзірлеуге қатысады.

Функциялары:

  • Департамент әзірлейтін құқықтық актілердің, шарттардың, іс жүргізу құжаттарының, сондай-ақ өзге де құқықтық сипаттағы құжаттардың жобаларын әзірлеуге, оның ішінде оларды Департаменттің басқа да құрылымдық бөлімшелері әзірлеген жағдайда келісу жолымен әзірлеуге қатысады;
  • құқықтық актілердің жобаларын әзірлейді және Бастықтың тапсырмасы бойынша құқықтық сипаттағы өзге құжаттарды дайындайды.
  1. Міндеті:Қазақстан Республикасының заңнамасын насихаттайды және түсіндіреді, мемлекеттік органда жалпыға бірдей құқықтық оқытуды ұйымдастырады.

Функциялары:

  • Департаментте Қазақстан Республикасының заңнамасын насихаттау және түсіндіру, жалпыға бірдей құқықтық оқытуды ұйымдастыру жөніндегі жыл сайынғы іс-шараларды жүзеге асырады;

2) заңнамалық актілерде көзделген жағдайларда Департаменттің құзыретіне жататын құқықтық мәселелер бойынша Департаменттің атынан түсініктеме дайындайды.

  1. Топтың құқықтары мен міндеттері:

1) өз мiндеттерiн орындау үшiн қажеттi құжаттар мен мәлiметтердi Департаменттің құрылымдық және аумақтық бөлімшелерінен сұратады;

2) Департамент басшылығының келiсiмiмен Департаменттің құқықтық мәселелері жөнiндегi құжаттарын әзiрлеу үшiн, сондай-ақ Қазақстан Республикасының заңнамасын насихаттау жөнiндегi iс-шаралар мен Департаментте жалпыға бiрдей құқықтық оқытуды iске асыру үшiн Департаменттің басқа құрылымдық бөлiмдерінің қызметкерлерiн тартады;

3)Департаменттің құрылымдық және аумақтық бөлімшелеріне заңдылықтың сақталуын қамтамасыз ету мәселелері  бойынша әдістемелік көмек көрсетеді;

4) заңдарда, заңнамалық актілерде, Қазақстан Республикасының өзге де нормативтік құқықтық актілерінде көзделген өзге де құқықтар мен міндеттер.

 

  1. Топтың қызметін ұйымдастыру

 

  1. Топ Қазақстан Республикасының заңнамалық актiлерiне, Қазақстан Республикасының өзге де нормативтiк құқықтық актiлерiне сәйкес өзiнiң негiзгi мiндеттерi мен функцияларын iске асыру үшiн қажеттi өкiлеттiктердi иеленедi.
  2. Қазақстан Республикасының заңнамасында белгіленген тәртіппен Топтың қызметкерлерін қызметке Департамент бастығы тағайындайды және қызметтен босатады.
  3. Осы ережеге және Үкіметтің 2006 жылғы 9 қарашадағы № 1072 қаулысымен бекітілген Қазақстан Республикасы мемлекеттік органдарының заң қызметтері туралы үлгі ережеге сәйкесТопқа олардың қызметiне тән емес қосымша функцияларды жүктеуге тыйым салынады.
  4. Департаментте бөлінген бюджет қаражатының шегiнде Топта оның тиiмдi және сапалы қызметi үшiн мыналарды қоса алғанда, тиiстi жағдайлар жасалады:

1) жеке үй-жаймен, заңнамалық-анықтамалық материалдармен, құқықтық мәселелер жөнiндегi мерзiмдi баспасөз басылымдарымен, заң әдебиетiмен, сондай-ақ мерзімімен жаңартылып отыратын нормативтiк құқықтық актілердiң электрондық қорымен қамтамасыз ету;

2) топ қызметкерлерiнiң кәсiптiк деңгейiн арттыру үшiн тұрақты негiзде iс-шаралар ұйымдастыру, оның ішінде Қазақстан Республикасы Президентiнiң жанындағы Мемлекеттiк басқару академиясында Департамент қызметкерлерiн жүйелi түрде тағылымдамадан өткiзу.

  1. Қазақстан Республикасының заңнамасына сәйкес Департамент бастығысыйлық берудiң қолданылып жүрген жүйесiн және бар мүмкiндiктердi ескере отырып, Топ қызметкерлерiне қосымша материалдық ынталандыруды белгiлеуге құқылы.
  2. Департаментті қайта ұйымдастыру немесе тарату жағдайларын қоспағанда, Топты таратуға жол берiлмейдi.

 

________________

Дата публикации
07 февраля 2022