Қазақстан Республикасы Төтенше жағдайлар министрлігі Алматы қаласы Төтенше жағдайлар департаментінің ақпараттандыру, цифрландыру жәнебайланысбөлімітуралы ереже

Алматы қаласы Төтенше жағдайлар департаменті бастығының

2021 жылғы «____» __________

№ ____ бұйрығына

№ ____ қосымша

 

Қазақстан Республикасы Төтенше жағдайлар министрлігі

Алматы қаласы Төтенше жағдайлар департаментінің

ақпараттандыру, цифрландыру жәнебайланысбөлімітуралы ереже

 

1-тарау. Жалпы ережелер

 

1.Алматы қаласы Төтенше жағдайлар департаментініңақпараттандыру, цифрландыру және байланысбөлімі (бұдан әрі – Бөлім) Қазақстан Республикасы Төтенше жағдайлар министрлігі(бұдан әрі – Министрлік) Алматы қаласы Төтенше жағдайлар департаментінің (бұдан әрі – Департамент) құрылымдық бөлімшесі болып табылады.

2.Бөлім өз қызметінде Қазақстан Республикасының Конституциясын, заңдарын, Қазақстан Республикасының Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.

3.Бөлімнің құрылымы, штат саны Департамент штаттық кестесімен айқындалады.

4.Бөлім бастықтан, 2 бас маманнан және аға инженерден тұрады.

 

2. Бөлімнің негізгі міндеттері, функциялары, құқықтары мен міндеттері

 

5. Міндеті: азаматтық қорғау органдарының бөлімшелерінде ақпараттандыру, цифрландыру және байланыс саласында бірыңғай техникалық саясатты жүзеге асыру.

Функциялары:

1) техникалық саясатты жетілдіру қағидаттары мен бағыттарын айқындайтын құжаттарды әзірлеуге қатысады, ақпараттандыру, цифрландыру және байланыс желісі бойынша техникалық ерекшеліктерді әзірлейді;

2) ақпараттандыру, цифрландыру және байланыс саласындағы перспективалық әзірлемелер мен техникалық шешімдерді Департамент бөлімшелерінің мүддесінде қарауды жүзеге асырады;

3) Бөлім құзыретіне кіретін мәселелер бойынша Департамент бөлімшелеріне әдістемелік және практикалық көмек көрсетеді;

4) Бөлімнің құзыретіне кіретін мәселелерді регламенттейтін нормативтік құқықтық актілердің мониторингін жүзеге асырады, оларды өзектілендірубойынша шаралар қабылдайды;

         5) Бөлімнің құзыретіне кіретін мәселелер бойынша жұмыс топтарының және басқа да кеңесші органдардың қызметіне, кеңестерге және өзге де іс-шараларға қатысады;

6.Міндеті: ақпараттандыру, цифрландыру және байланыс саласындағы азаматтық қорғау органдары бөлімшелерінің қызметін дамыту және техникалық қамтамасыз ету.

Функциялары:

1)ақпараттандыру және байланыс жүйелерін дамытуды, оларды бейбіт және соғыс уақытында пайдалануға әзірлікте ұстауды жүзеге асырады;

2)ақпараттандыру, цифрландыру және байланыс желісі бойынша Департамент құралдарына қажеттілікті айқындау бойынша ұсыныстар дайындау;

3)ақпараттандыру, цифрландыру және байланыс желісі бойынша Департаменттің бюджеттік өтініміне іс-шараларды енгізуге ұсыныстарды қалыптастырады;

4) Департамент бөлімшелерінде байланыс және ақпараттандыру құралдарының жұмыс істеуін қамтамасыз етеді;

5) ведомстволық ақпараттық ресурстары мен басқа мемлекеттік органдардың ақпараттық ресурстарына қол жеткізудің техникалық мүмкіндігін қамтамасыз етеді;

6) Департаменттің кеңестерін техникалық сүйемелдеуді қамтамасыз етеді;

7) ТЖ қатері және оның туындауы кезінде, сондай-ақ күнделікті қызмет режимінде Департамент бөлімшелерінің күштері мен құралдарын басқару үшін байланысты ұйымдастыру бойынша іс-шараларға қатысады.

7. Міндеті: Департаментте ақпараттық қауіпсіздікті қамтамасыз ету.

Функциялары:

1) Департаменттің ақпараттық-телекоммуникациялық ортасының тұтастығын қамтамасыз етеді;

2)Департаменттің ақпараттық-телекоммуникациялық инфрақұрылымының жай-күйіне, әзірлігіне және тәуекелдерінің болуына талдау жүргізеді;

3) азаматтық қорғаудың мемлекеттік жүйесінің корпоративтік ақпараттық-коммуникациялық жүйесінің, ахуалдық-дағдарыс орталығының жұмыс істеуін қамтамасыз етеді.

8.Міндеті: халықты құлақтандыру жүйесін дереу пайдалануға тұрақты әзірлікті құру және оны жарақтандыру мен дамытудықамтамасыз ету.

Функциялары:

1) халықты құлақтандыру жүйесіне техникалық қызмет көрсетуді ұйымдастырады;

2) Алматы қаласының аумағында халықты құлақтандыру құралдарының есебін жүргізеді;

3) халықты құлақтандыру жүйесін дамыту және жетілдіру бойынша ұсыныстар әзірлейді және келіседі;

4) халықты құлақтандыру жүйесін жаңғырту бойынша техникалық шешімдер мен ерекшеліктерді әзірлейді;

5) халықты құлақтандыру бойынша жаттығуларды жоспарлайды және өткізеді;

6) электр дабылдарының (дабылдық-сөздікқұрылғыларының) және оларды іске қосу бойынша тиісті жабдықтардың жарамдылығына жоспарлы техникалық тексерулерді жүргізеді.

9. Құқықтары мен міндеттері.

Бөлім өз құзыреті шегінде:

1) Бөлім құзыретіне кіретін мәселелер бойынша ұсыныстарды, анықтамалық және талдамалық материалдарды, нормативтік құқықтық актілердің жобаларын әзірлеу және Департамент басшылығына бекітуге енгізуге;

2) Алматы қаласының аумағында орналасқан Министрліктің ведомстволық бағынысты бөлімшелерінен қызметті ұйымдастыру үшін қажетті мәліметтерді сұратуға;

3) өз құзыреті шегінде Алматы қаласының аумағында орналасқан Министрліктің ведомстволық бағынысты бөлімшелерінеқатысты ұйымдастырушылық-өкімдік функцияларды жүзеге асыруға;

4) Бөлімнің құзыретіне кіретін мәселелер бойынша Қазақстан Республикасының мемлекеттік органдарымен және мемлекеттік емес ұйымдарымен өзара іс-қимыл жасауға құқығы бар.

10. Бөлімнің міндеті:

1) Қазақстан Республикасының Конституциясын және заңнамасын сақтау;

11. Қазақстан Республикасының заңдарында, Президенті мен Үкіметінің актілерінде белгіленген міндеттерді, функцияларды, құқықтар мен міндеттерді жүзеге асырады.

 

3. Бөлім қызметін ұйымдастыру

 

12. Бөлім заңнамалық актілерге, Қазақстан Республикасы Президентінің актілеріне, Қазақстан Республикасының өзге де нормативтік құқықтық актілеріне сәйкес оның негізгі міндеттері мен функцияларын іске асыру үшін қажетті өкілеттіктерге ие.
13. Бөлімге басшылық, Бөлімге жүктелген міндеттердің және олардың өз функцияларының жүзеге асырылуының орындалуына дербес жауапты болатын Бөлім бастығымен жүзеге асырылады.
14. Бөлім бастығы лауазымға Қазақстан Республикасының заңнамасында белгіленген тәртіппен тағайындалады және қызметтен босатылады.

15.Бөлім бастығының өкілеттіктері:

1) Бөлім қызметкерлерінің міндеттері мен өкілеттіктерін айқындайды;

2)Департамент басшылығына Бөлімнің құрылымы мен штат кестесі бойынша ұсыныстар береді;

3) Департамент басшылығынаБөлім қызметкерлерін марапаттауға, көтермелеуге және сыйақы беруге ұсынады;

4) Қазақстан Республикасының заңдарына және Президентінің актілеріне сәйкес өзге де өкілеттіктерді жүзеге асырады.

16. Құрылымдық бөлімшенің құзыретіне кіретін мәселелер бойынша ТЖД атынан басқа құрылымдық бөлімшелерге жіберілетін құжаттарға ТЖД басшылығы,алолболмағанжағдайдаоныалмастыратын адам қолқояды.
17. Қажет болған жағдайда Бөлім осы Ережеге өзгерістер мен толықтырулар енгізуге бастамашылық жасайды.

 

________________________

Дата публикации

07 февраля 2022