Динара Әділбекова: азаматтық қорғау жүйесіндегі кәсібилік, адалдық және әулетінде жалғастырушы
8 наурыз Халықаралық әйелдер күні қарсаңында Алматы облысының Төтенше жағдайлар департаменті өз еңбегімен қоғамның дамуына баға жетпес үлес қосатын барлық әйелдерді құттықтайды. Өз өмірін азаматтық қорғау жүйесінде қызмет етуге арнаған әйелдер ерекше назар аударуға лайық. Олардың ішінде-кәсіпқойлығы, жауапкершілігі және іске адалдығы болашақ ұрпақ үшін үлгі болған Әділбекова Динара Джексембайқызы бар.
Динара Джексембайқызы 1978 жылы 21 қыркүйекте Талдықорған қаласында дүниеге келген. Мектепті бітіргеннен кейін Ж. Жансүгіров атындағы Талдықорған университетіне түсіп, "экономист-менеджер" мамандығы бойынша білім алады. Кейінірек Заң және нарық академиясында оқуын жалғастырып, кеңесші заңгер біліктілігін алады.
Ол өзінің кәсіби жолын Білім және құқықтану саласында бастады, бірақ 2007 жылдан бастап өзінің мансабын азаматтық қорғау жүйесімен байланыстырды. Қазіргі уақытта Динара Джексембайқызы Алматы облысы ТЖД мемлекеттік тілді құжаттамалық қамтамасыз ету және дамыту тобында бас маман болып жұмыс істейді. Оның білімі, жауапкершілігі мен еңбекқорлығы Департаменттің тиімді жұмысына, іс жүргізуді дамытуға және азаматтық қорғау жүйесіндегі мемлекеттік тілдің ұстанымын нығайтуға ықпал етеді.
Динара Джексембайқызы үшін азаматтарды қорғау және қауіпсіздік мәселесі жай ғана жұмыс емес, отбасылық ізін жалғастырушы, дәстүрлі іс екенін атап өткен жөн. Мәселен, оның ұлы Жексембай Ғабит анасының ісін жалғастырып, қоғамға қызмет ету жолын таңдады. 2024 жылы Көкшетау қаласындағы азаматтық қорғау Академиясын бітіріп, қазіргі уақытта Алматы облысы ТЖД Алатау қаласындағы төтенше жағдайлар бөлімінің инженері болып жұмыс істейді.
Олар азаматтық қорғау жүйесіндегі -үздік кәсіби дәстүрлерді сақтаудың, тәжірибе мен міндеттемені орындауда мүлтіксіз. Әділбекова, адамдарға қызмет ету тек мамандық емес, терең моральдық құндылықтар мен парыз сезіміне негізделген саналы таңдау екенін растайды.
Алматы облысының Төтенше жағдайлар департаменті Динара Әділбековаға көп жылғы адал еңбегі, іске берілгендігі және азаматтық қорғау жүйесін дамытуға қосқан үлесі үшін шын жүректен алғыс білдіреді. Бұл мереке сізге қуаныш, жылулық пен шабыт әкелсін! Денсаулық, отбасылық амандық және жаңа кәсіби табыс тілейміз!
Алматы облысы ТЖД баспасөз қызметі