Алматы облысының мүмкіндіктері шектеулі адамдарды түрлі төтенше жағдайлар кезіндегі іс-қимылдарға оқыту мәселелері бойынша ынтымақтастық туралы Меморандумның талаптары қайта қаралды

Ведомствоаралық өзара іс-қимылды нығайту және ТЖ кезінде мүмкіндігі шектеулі адамдарды оқыту жөніндегі шаралардың тиімділігін арттыру мақсатында Төтенше жағдайлар департаменті мен Алматы облысының жұмыспен қамтуды үйлестіру және әлеуметтік бағдарламалар басқармасы арасында ынтымақтастық туралы Меморандум қайта қаралды.

Меморандумның негізгі мақсаты-ведомстволық бағынысты аумақтардағы апаттардан, дүлей зілзалалардан және техногендік апаттардан туындаған түрлі ТЖ түрлері кезінде мүмкіндігі шектеулі адамдарды оқыту мәселелері бойынша өзара іс-қимыл жоспарын әзірлеу және іске асыру.

Келісім шеңберінде: ТЖ-ға жедел ден қоюдың тиімді тетіктерін әзірлеуге және енгізуге; мүмкіндігі шектеулі халықты эвакуациялау жоспарлары мен қауіпсіз эвакуациялау маршруттарын жетілдіруге; Төтенше жағдайлар кезінде іс-қимыл жасау үшін қажетті ресурстармен даярлауға және жарақтандыруға; қызметкерлер мен халықтың дайындық деңгейін арттыру үшін бірлескен оқу-жаттығулар мен тренингтер өткізуге бағытталған іс-шаралар өткізу жоспарлануда.

Ынтымақтастық шеңберінде көру қабілеті бұзылған адамдарға арналған практикалық ұсыныстарды әзірлеуге ерекше назар аударылатын болады. Бұл шаралар оларды бағдарлау және төтенше жағдайларда қозғалу үшін қауіпсіз жағдайлар жасауға бағытталған.

 

Алматы облысы ТЖД баспасөз қызметі