Алматы облысы ТЖД бастығының міндетін уақытша атқарушының аумақтық бөлімшелерге жұмыс сапары

Подполковник Д. Оразбеқов Қарасай, Жамбыл және Балқаш аудандарының ТЖ және өрт сөндіру бөлімдерінің гарнизондарына, сондай-ақ Жамбыл ауданының Ұзынағаш ауылында орналасқан №28237 әскери бөліміне барды. Сапар барысында ол бөлімдердің жеке құрамымен, олардың қызметтік-жауынгерлік міндеттерімен танысты, сондай-ақ бөлімшелердің инфрақұрылымын зерделеді. Подполковник Оразбеков тұрғын үй-жайларды, материалды-техникалық қамтамасыз етілуін қарап, жеке құраммен кездесу өткізді, қызметтік және әскери тәртіптің жай-күйін, сондай-ақ бөлімшелерде тәрбие жұмысының ұйымдастырылуын тексерді. Өрт сөндіру бөлімінде өртті сөндіру бойынша жұмыстың тиімділігін арттыру, жол қозғалысы ережелерін қатаң сақтау, бөлімшелердегі тұрмыстық жағдайларды жақсарту, сондай-ақ өрт техникасын жарамды күйде ұстау мәселелеріне ерекше назар аударды.  

Алматы облысы ТЖД баспасөз қызметі