Алматы облысы ТЖД бастығының міндетін уақытша атқарушы Д. Оразбековтың аумақтық бөлімшелерге жұмыс сапары

Подполковник Д. Оразбеков Қарасай, Жамбыл және Балқаш аудандарының ТЖ және өрт сөндіру бөлімдерінің гарнизондарына, сондай-ақ Жамбыл ауданы Ұзынағаш ауылында орналасқан #28237 әскери бөліміне барды.

Сапар барысында ол бөлімдердің жеке құрамымен, олардың қызметтік-жауынгерлік міндеттерімен танысты, сондай-ақ бөлімшелердің инфрақұрылымын зереледі. Подполковник Оразбеков тұрғын үй-жайларды, материалды-техникалық қамтамасыз етілуін қарап, жеке  құраммен кездесу өткізді, қызметтік және әскери тәртіптің жай-күйін, сондай-ақ бөлімшелерде тәрбие жұмысының ұйымдастырылуын тексерді.

Өрт сөндіру бөлімінде өрт сөндіру бойынша жұмыстың тиімділігін арттыру, жол қозғалысы ережелерін қатаң сақтау, бөлімшелердегі тұрмыстық жағдайларды жақсарту, сондай-ақ өрт техникасын жарамды күйде ұстау мәселелеріне ерекше назар аударды.