Алматы облысында "Муз-2024"акциясы жалғасуда

"Муз-2024" акциясы аясында қысқы кезеңде су айдындарында адамдардың қаза болуына жол бермеу мақсатында Алматы облысының ТЖ Департаменті балықшылар мен демалушылардың қауіпсіздігін қамтамасыз етуге бағытталған ұйымдастырушылық және практикалық іс-шаралар кешенін өткізуде.

Күн сайын, оның ішінде түнгі уақытта барлық мүдделі облыстық қызметтер мен волонтерлік ұйымдардың жеке құрамын тарта отырып, облыс су айдындарында рейдтік іс-шаралар өткізіледі. Демалыс және мереке күндері рейдтік іс-шаралар күшейтілген режимде өткізіледі.

Бүгінгі күні рейдтік іс-шаралар барысында су айдындарындағы қауіпсіздік ережелерін бұзушылардың 8-і анықталды, атап айтқанда, жүзу құралында балық аулау кезінде жеке-құтқару құралдарынсыз, сондай-ақ басқаруға құқық беретін тиісті құжаттарсыз болған азаматтар. Аталған тұлғаларға ҚР ӘҚБтК-нің 412-бабына сәйкес жалпы сомасы 103 мың 376 теңгеге 8 әкімшілік хаттама, сондай-ақ ҚР ӘҚБтК-нің 582-бабы бойынша 36 мың 920 теңгеге 2 хаттама жасалды.

Рейдтік іс-шаралардың қорытындысы бойынша осы балықшылармен балық аулау кезінде су айдындарындағы қауіпсіздік ережелерін түсіндіру және осы Ережелерді бұдан әрі қатаң сақтау туралы әңгімелер жүргізілді.

Сонымен қатар, аталған рейдтік іс-шаралар облыстың барлық аумағында өткізілетін болады.

 

Алматы облысы ТЖД баспасөз қызметі