Алматы облысына жұмыс сапарымен өртке қарсы қызмет комитеті төрағасының орынбасары келді

Өртке қарсы қызмет комитеті төрағасының орынбасары азаматтық қорғау полковнигі Ерлан Турегелдиев  Алматы облысы ТЖД бөлімшелерінің жеке құрамымен семинар-кеңес өткізді.

Іс-шарада жедел ден қою шаралары және азаматтық қорғау саласындағы заңнаманы жетілдіру шеңберінде жоспарланған өзгерістер талқыланды.

Жұмыс сапарының қорытындысы бойынша қызметтік-әскери тәртіпті, сыбайлас жемқорлыққа қарсы заңнаманы, азаматтық қорғау органдары бөлімшелерінің техникасы мен мүлкіне ұқыпты қарауды сақтау жөнінде тапсырмалар берілді.

 

Алматы облысы ТЖД баспасөз қызметі