Алматы облысында өрт қауіпсіздігі айлығы өтеді

Алматы облысының аумағында 15 тамыздан бастап өрт қауіпсіздігі айлығы басталды.

Өрт қауіпсіздігі айлығының негізгі мақсаты-қатты отынмен жылытылатын жеке тұрғын үйлерде өрт қауіпсіздігі талаптарын сақтау бойынша түсіндіру жұмыстарын жүргізу.

Аулаларды аралау барысында пештер мен түтін мұржаларын орнатуға басты назар аударылады, пештер мен түтін мұржаларының құрылғысы бұзылған жағдайда иелеріне оларды жою бойынша ұсыныстар беріледі.

Алайда, көптеген азаматтар ережелерді сақтамауға немқұрайлы қарайды. Көбінесе пештерді төсеу "кездейсоқ адамдарға" сенеді, жылдар бойы пештер жөнделмейді, мұржалар тазаланбайды.

Жыл сайын жылыту кезеңінде Алматы облысында 300-ге дейін өрт орын алады. Бірінші кезекте аулаларды аралау халықтың әлеуметтік осал топтары тұратын жерлерде атаулы түрде жүргізіледі.

Мәселен, бүгінгі таңда облыс бойынша халықтың әлеуметтік осал топтарының 350 тұрғын үйінде профилактикалық жұмыс жүргізілді, 900-ге жуық азаматқа нұсқау берілді.

Азаматтық қорғау органдарының қызметкерлерінен басқа, тұрғын үй секторында айлықты өткізуге қатысу үшін аудандық полиция бөлімдерінің қызметкерлері, газ шаруашылықтарының қызметкерлері, ПИК және БАҚ өкілдері, үкіметтік емес волонтерлік ұйымдардың және жергілікті атқарушы органдардың мүшелері тартылады.

Алматы облысы ТЖД тұрғын үй секторында өрт қауіпсіздігі ережелерін сақтауды сұрайды:

- жылыту маусымы басталар алдында пеш пен түтін мұржаларының жарамдылығын тексеру қажет;

- пешті тексеру жүйелі болуы керек;

- пештен қауіпсіз қашықтықта отын мен басқа да жанғыш материалдарды жинау қажет;

- кешке пешті ұйқыдан 2 сағат бұрын тоқтату керек;

- жиһаз, перделер және басқа да жанғыш материалдар, заттар жанып жатқан пештен 1 м жақын болмауы керек;

• мұржалар мен пештерді күйеден тазарту бастамас бұрын, сондай-ақ жылыту маусымы кезінде кемінде үш айда бір рет қажет.

Алматы облысы ТЖД баспасөз қызметі