Теміржолдағы химиялық аварияларды жою бойынша оқу-жаттығу

Алматы облысы Қарасай ауданының Шамалған теміржол станциясында цистернадан тұз қышқылының төгілу салдарын жою бойынша тактикалық-арнайы оқу-жаттығу өткізілді. Оқу-жаттығуға Шамалған теміржол станциясының құрылымдары, Департамент қызметкерлері және басқа да мүдделі органдар қатысты.

        Оқу-жаттығудың мақсаты төтенше жағдайлардың алдын алу және жою, сондай-ақ азаматтық қорғау қызметтері мен объектілік құралымдардың осындай оқиғаларға ден қоюға дайындығын тексеру болды.

        Оқу-жаттығу барысында келесі іс-шаралар пысықталды:

  - Ықтимал ластану аймағында халықты хабардар ету және эвакуациялау;

  - Тұз қышқылының бөлінуін өлшеу;

 - Өздігінен жабысатын шикі резеңке материалды қолдана отырып, ағып жатқан жерге пластырь жабыстыру;

 - Тұз қышқылын салқындату үшін су пердесін беру;

- Құм мен әкті бере отырып, тұз қышқылы төгілген алаңды әкпен толтыру арқылы оқиға аймағын бейтараптандыру;

- Техника мен жеке құрамды дегазациялау.

        Оқу-жаттығу нәтижесінде қойылған міндеттерге қол жеткізілді.

Алматы облысы ТЖД баспасөз қызметі