Алматы облысы ТЖД қызметкерлері бұқаралық ақпарат құралдарының өкілдерін кәсіби мереке-БАҚ қызметкерлері күнімен құттықтады

2019 жылғы 24 маусымда ел Президенті Қасымжомарт Тоқаев бұқаралық ақпарат құралдары қызметкерлерінің қоғам дамуындағы ерекше рөлін атап өтіп, журналистердің кәсіби мерекесін құруды тапсырды.

" Еліміздің бұқаралық ақпарат құралдары қоғам санасын жаңғыртып, ұлт тұтастығын нығайту жолында айрықша рөл атқарады. Баспасөз саласын дамыту, сондай-ақ журналистердің құқықтары мен заңды мүдделерін қорғау – мемлекеттің маңызды міндетінің бірі.

Қазақ журналистикасының тағылымды тарихы, аға буын қалыптастырған ерекше  қолтаңбасы бар. Біз оның бай шежіресі мен ағартушылық дәстүрін барынша сақтауымыз қажет. Бүгінгі ақпарат саласының өкілдері осы сабақтастықты лайықты жалғастырып, өзіне жүктелген жауапты миссияны абыроймен атқарып келеді.

Сіздер қай кезде де халыққа шынайы әрі жедел хабар таратып, кәсіби біліктіліктің озық үлгісін көрсетіп жүрсіздер. Болашақта да елдік мәселелерді көтеріп, ұлттық құндылықтарды насихаттауға белсене атсалыса бересіздер деп сенемін.",-делінген Мемлекет Басшысы Қасым-Жомарт Тоқаевтың құттықтауында.

 Алматы облысы ТЖД республикалық және облыстық бұқаралық ақпарат құралдарының өкілдерін кәсіби мереке-БАҚ қызметкерлері күнімен құттықтады. Құрметті БАҚ өкілдері, сіздерді осы мерекемен шын жүректен құттықтаймыз! Сізге зор денсаулық, өткір репортаж, кәсіби өсу, сәттілік және шексіз ынта тілейміз!

Алматы облысы ТЖД баспасөз қызметі