Алматы облысында шопанды іздестіру-құтқару жұмыстары сәтті аяқталды

2023 жылғы 12 желтоқсанда сағат 23:30-да Алматы облысының Төтенше жағдайлар департаментінің кезекші бөліміне Жамбыл ауданы, Айдарлы ауылы маңында шопанның жоғалып кеткені туралы хабарлама келіп түсті. Арыз берушінің айтуы бойынша ол 11 желтоқсан күні сағат 9:00-де мал бағуға шығып кетіп, сол күйі оралмаған.

Алматы облысы ТЖ департаментінің қызметкерлері дереу болжамды жоғалу орнына жіберілді. Одан бөлек, іздеу жұмыстарына жергілікті атқарушы орган қызметкерлері мен жергілікті тұрғындар көмекке келді. Оқиға орнына келген соң 4 іздестіру тобы құрылды, оның ішінде: жедел құтқару жасағы, аудандық ТЖБ/ӨСБ, ЖАО және жергілікті тұрғындар. 13 желтоқсан күні сағат 12:35-те жергілікті тұрғындардан құрылған топ Айдарлы ауылынан 25 шақырым жердегі Қызылерек учаскесінен жоғалған шопанды тапты. Анықталғандай, адасқан шопан ауа-райының қолайсыздығынан жолдан адасып, қыстауда түнеген. Ауа-райының қолайсыздығынан іздеу жұмыстары 13 сағатқа созылды. Құтқарылған азамат ауылдық аурухана қызметкерлеріне тапсырылып, алғашқы медициналық көмек көрсетілді. Қазіргі таңда жағдайы қалыпты, бір аяғын үсік шалған.

 

Алматы облысының Төтенше жағдайлар департаменті қыс мезгілінде қауіпсіздік ережелерін сақтаудың маңыздылығын еске салады. Дауылды ескертулер туралы қысқа SMS хабарлама алған жағдайда үйден не шаруа қожалығынан шықпауға тырысыңыз, алыс жолға дайындықсыз шықпаңыз. Автокөлікке қыстық дизель жанармайын пайдаланыңыз. Бұл сіздің өміріңізді сақтап қалуы мүмкін!

 

Алматы облысы ТЖД баспасөз қызметі