Алматы облысында көп пәтерлі тұрғын үй кешенінде шартты өртті жою бойынша өрт-тактикалық оқу-жаттығулар өткізілді

2023 жылғы 6 желтоқсанда сағат 11:00-де Алматы облысы ТЖД «ӨС және АҚЖҚ» ММ ООКОС бастығы азаматтық қорғау подполковнигі Саят Байсалбаев Қонаев қаласы №1-ӨСБ жеке құрамымен бірлесіп Алматы облысы ТЖД «ӨС және АҚЖҚ» ММ бастығының орынбасары азаматтық қорғау полковнигі Владимир Зобовтың қатысуымен көппәтерлі тұрғын үйдің 7-қабатында шартты өртті сөндіру бойынша жоспардан тыс өрт-тактикалық оқу-жаттығу өткізді.

Бұл оқу-жаттығудың мақсаты-халық арасында қауіпсіздік мәдениетін қалыптастыру және нығайту, көппәтерлі биік үйлер тұрғындарының төтенше жағдайлар туындаған кездегі іс-әрекеттер туралы хабардарлығын арттыру.

Шартты өртті сөндіру барысында келесі мәселелер пысықталды:

- жоғары дәрежелі шақыру бойынша шығу кестесіне сәйкес күштер мен құралдарды шығару;

- шартты өртті сөндіру кезінде өртке қарсы қызмет бөлімшелері мен тұрғын үйдің тұрғындары арасындағы өзара іс-қимыл;

- өрт сөндіру жедел штабының жұмысын, шешуші бағытты таңдауда, жағдайды бағалауда бірінші келген және кейінгі РТП дағдыларын жетілдіру;

- өрттегі штаб пен тыл жұмыстары;

- өртті сәтті сөндіру үшін қажетті бөлімшелер мен техниканы өртке шақыру орнына күштер мен құралдарды шоғырландыру уақыты;

- жеке құрамның еңбек қауіпсіздігі және еңбекті қорғау ережелерін сақтауы.

- орнату орындары, сондай-ақ өрт техникасына арналған кірме жолдар. 

Алматы облысы ТЖД Өрт-тактикалық оқу-жаттығуын өткізуге жеке құрамның 22 қызметкері мен 7 техника жұмылдырылды. Сондай-ақ оқу-жаттығуға өрт сөндіру және төтенше жағдайлар салдарын жоюға қатысатын өрт-құтқару бөлімшелері, облыстың жедел қызметтері мен тіршілікті қамтамасыз ету қызметтері тартылды.

Оқу-жаттығу нәтижелері бойынша лауазымды тұлғаларды тыңдай отырып, жіберілген қателіктерге жол бермеу мақсатында анықталған қателер мен кемшіліктерді түсіндіре отырып талдау жүргізілді.

 

Алматы облысы ТЖД баспасөз қызметі