Алматы облысында көп пәтерлі тұрғын үй кешенінде шартты өртті жою бойынша өрт-тактикалық оқу-жаттығулар өткізілді
Алматы облысы Талғар ауданының "Аспан сити" көппәтерлі тұрғын үй кешенінде шартты өртті жою бойынша өрт-тактикалық оқу-жаттығулар өткізілді. Оқу-жаттығуға өрт сөндіру және төтенше жағдайларды жоюға қатысатын өрт-құтқару бөлімшелері, облыстың жедел қызметтері мен тіршілікті қамтамасыз ету қызметтері тартылды.
Бұл оқу-жаттығудың мақсаты - халық арасында қауіпсіздік мәдениетін қалыптастыру және нығайту, көппәтерлі биік үйлер тұрғындарының төтенше жағдайлар туындаған кездегі іс-әрекеттері туралы білімін арттыру.
Оқу-жаттығу бағдарламасы бойынша сағат 11:00-де "Аспан сити" тұрғын үй кешенінің 6-қабатындағы пәтерге ауыса отырып, лифт шахтасында электр кабельдерінің жануы туралы ақпараттың түсуі бойынша жоғарғы қабаттарда оттың таралуы және қатты түтін шығарумен команда берілді және нақты уақытта шығу кестесіне сәйкес шақырудың жоғары дәрежесі бойынша бөлімшелердің келуі пысықталды. Өрт сөндіру қызметінің өрт сөндірушілері көпқабатты үйде өртті сөндіру тактикасын, арнайы және қосымша техниканы пайдалана отырып, адамдарды үйдің жоғарғы қабаттарынан құтқару және эвакуациялауды пысықтады.
Шартты өртті сөндіру барысында келесі мәселелер пысықталды:
- шартты өртті сөндіру кезінде өртке қарсы қызмет бөлімшелері мен объектінің қызмет көрсетуші персоналы арасындағы өзара іс-қимыл;
- жағдайды бағалауда, шешуші бағытты таңдауда алғашқы келген ӨСБ дағдыларын жетілдіру;
- басшы құраммен азаматтар жаппай тұратын объектілерде күштер мен құралдарды тарта отырып, өртті сөндіру тактикасын ұйымдастыру және мәселелерін пысықтау.
- өрт сөндіру жедел штабының жұмысын, шешуші бағытты таңдауда, жағдайды бағалауда бірінші келген және кейінгі ӨСБ дағдыларын жетілдіру;
- өртті сәтті сөндіру үшін қажетті бөлімшелер мен техниканы өртке шақыру орнына күштер мен құралдарды шоғырландыру уақыты;
- жеке құрамның еңбек қауіпсіздігі және қауіпсіздік техникасы ережелерін сақтауы.
- орнату орындары, сондай-ақ өрт техникасына арналған кірме жолдар.
Алматы облысы ТЖД Өрт-тактикалық оқу-жаттығуын өткізуге барлығы 12 бірлік техника мен жеке құрамның 43 адамы жұмылдырылды.
Сондай-ақ, тұрғындармен және өскелең ұрпақпен Төтенше жағдайлар туындаған кездегі іс-әрекеттер туралы білімін арттыруға бағытталған үгіт-профилактикалық әңгімелер өткізілді.
Оқу-жаттығу аяқталғаннан кейін жүргізілген жұмыстарға талдау жүргізілді.
Сондай-ақ, инженерлік-инспекторлық құрамның білім деңгейін арттыру мақсатында Алматы облысы ТЖД МӨҚК қызметкерлері ТЖБ, аудандар мен қалалардың ТЖБ жеке құрамымен биіктігі 28 метрден асатын көппәтерлі тұрғын үйлерде шартты өрт-техникалық тексеру бойынша теориялық және практикалық сабақтар өткізді. Сабақ барысында осы санаттағы ғимараттарға ішкі қарама-қарсы су құбырын жабдықтау қажеттілігі, автоматты өрт дабылын орнату, түтін шығару жүйесін орнату, сондай-ақ өрт сатыларына қойылатын талаптар сияқты негізгі талаптар жеткізілді. Қосымша тұрғындармен көппәтерлі тұрғын үйлерде өрт қауіпсіздігі талаптарын сақтау бойынша әңгімелер, нұсқамалар өткізілді.
Алматы облысы ТЖД баспасөз қызметі