Құтқарушылар тұрғындарды көктемгі маусымға дайындалуға шақырады

 Күндізгі температура мен жауын-шашынның жоғарылауы қардың қарқынды еруіне, мұз құбылыстарының әлсіреуіне және еріген ағынның пайда болуына әкеледі.
Арық жүйелерінің бітелуі немесе болмауы жағдайында қардың қарқынды еруі көшелердің, аула аумақтары мен құрылыстардың су басуына әкелуі мүмкін.
Құтқарушылар тұрғындарды алдын алу шараларын дер кезінде жүргізуге түсіністікпен және жауапкершілікпен қарауға шақырады.
Алматы облысының Төтенше жағдайлар департаментінің қызметкерлері тұрақты негізде тұрғындармен ақпараттық-түсіндіру жұмыстарын жүргізуде. Профилактикалық рейдтер жүргізіліп, су басу қаупі бар жеке үйлердің тұрғындарымен қауіпсіздік шараларын сақтау жөнінде түсіндірме жұмыстары жүргізіліп, жадынамалар таратылуда.
Арық жүйесін уақтылы тазарту, қар шығару және жеке тұрғын үй секторының тұрғындары қабылдайтын басқа да алдын алу шаралары маңызды алдын алу шарасы болып табылады және аула аумақтары мен құрылыстарды су басудың алдын алуға көмектеседі.

 

Алматы облысы ТЖД баспасөз қызметі