НАЗАР АУДАРЫҢЫЗДАР! НАЗАР АУДАРЫҢЫЗДАР! НАЗАР АУДАРЫҢЫЗДАР!

Соңғы уақытта азаматтар кейбір танымал Қытай маркаларының мобильді құрылғыларынан жедел қызметтерге хабарласа алмайды. Android операциялық жүйесі бар кейбір телефондарда өрт сөндіру қызметінің – «101», полицияның – «102», жедел медициналық көмектің – «103», газдың авариялық қызметінің – «104» нөмірлеріне қоңырау шалған кезде шақыру ТЖД бірыңғай кезекші-диспетчерлік қызметінің – «112» телефон нөміріне автоматты түрде бағытталуда.
Егер Сізде қытайлық смартфон болса, жедел қызметтерге қалай қоңырау шалуға болады? Іс жүзінде бәрі қарапайым – қоңырау басқа ведомствоға бағытталмауы үшін терілген нөмірдің алдында 9 префиксін қосыңыз:
9101 - өрт сөндіру қызметі;
9102 - полиция;
9103 - жедел жәрдем;
9104 - авариялық газ қызметі.
Төтенше жағдайда ең бастысы — бұл ерекшелікті ұмытпау қажет.
Шұғыл нөмірлерді смартфоныңызға сақтап қойыңыз және олар Сізге ешқашан қажет болмасын!

Алматы облысы ТЖД баспасөз қызметі