Алакөл жағалауында жоғалған бала аман-есен табылды

2022 жылғы 4 шілдеде Алакөл көлінің жағалауына күнделікті патрульдеу жүргізу кезінде Алакөл өңірінің жедел-құтқару жасағының құтқарушыларына Жетісу облысы Алакөл ауданының Ақши ауылында демалып жатқан 2018 жылы туған қыздың Алматы қаласынан демалысқа келген ата-анасымен бірге жоғалғаны туралы хабарлама келіп түсті.

Құтқарушылар дереу іздеуді бастады. Іздеу көлдің жағасында көптеген демалушылардың болуымен қиындады.

Жарты сағат ішінде ата-анасының орналасқан жерінен шамамен 600 метр қашықтықта қыз тірі және зиянсыз болып табылды. Медициналық көмек қажет емес еді. Ата-аналармен судағы қауіпсіздік ережелері және су маңындағы кәмелетке толмаған балаларға үнемі назар аудару қажеттілігі туралы түсіндірме әңгіме жүргізілді.

Алматы облысының ТЖД азаматтарды суға шомылу маусымында барлық қауіпсіздік шараларын сақтауға шақырады.

Алматы облысы ТЖД баспасөз қызметі