Текелі қаласында қоқыс полигонының жануы туралы ақпарат

2022 жылғы 28 маусымда сағат 20.39-да Текелі қаласының маңында қатты-тұрмыстық қалдықтардың полигонында қоқыс жанғаны туралы хабарлама келіп түсті. Жоюға Алматы облысы ТЖД (5 қызметкер және 2 бірлік техника) және жергілікті атқарушы органдардың (4 қызметкер және 2 су тасушы көлігі) күштері мен құралдары жұмылдырылды. Қазіргі уақытта өрт ошақтары сөндірілді, шамамен 300 шаршы метр алаңда тұрмыстық қалдықтардың бықсуы байқалуда. Полигонның жалпы аумағы 1,2 га құрайды, тереңдігі 1,5 метрден 2 метрге дейін.
Өрттің шығу себебі анықталуда.
Қазіргі уақытта бықсу ошақтарын су құйу жұмыстары мен рекультивациялық жұмыстар жүргізілуде.

Алматы облысы ТЖД баспасөз қызметі