Алматы облысында туристер құтқарылды

2022 жылғы 23 наурыз күні сағат 19:58-де Алматы облысы ТЖД кезекші бөлімінің пультіне Алматы облысы Еңбекшіқазақ ауданы, «Асы» асуы маңында, «Бартоғай» су қоймасы аумағында шетелдік туристер: Бельгия және Франция азаматтары жоғалғаны туралы хабарлама келіп түсті.

Оқиға орнына дереу құтқарушы жасақтары жіберілді. Келген бойда 1987 жылы туған ер адамдардың Қазақстанның әдемі табиғи көрікті жерлерін аралауды жоспарлаған, жалға алынған автокөлігі бұзылғаны анықталды. Олар автомобильдегі сынуды өз бетінше түзете алмады, сондықтан спутниктік байланыс арқылы құтқарушылардан көмек сұрады. Спутниктік телефонды пайдаланып, «SOS» түймесін басу арқылы туристер координаттары мен орналасқан жерін құтқарушыларға жібере алды. Көмек туралы бірінші хабарламаны АҚШ-та байланыс қызметтерін көрсететін компания алды, содан кейін бұл хабарлама Қазақстанның елшілігі арқылы Алматы қ. ПД-не жіберілді, олар өз кезегінде бұл хабарламаны Алматы облысының ТЖД-не берді.

Қабылданған шаралармен сағат 01:30-да ТЖД (6 қызметкер және 2 бірлік техника), Алматы қаласы РЖҚЖ (9 қызметкер және 2 бірлік техника, 1 кинологиялық есеп), Шелек ауылынан жергілікті полиция қызметінен (5 қызметкер және 2 бірлік техника) күшімен туристер табылып, Алматы қаласына жіберілді. Медициналық көмек қажет емес еді.

Алматы облысы ТЖД баспасөз қызметі