Республикалық маңызы бар "Алматы-Өскемен" автожолында автокөліктің барлық түрлері үшін қозғалыс жабылды.
«ҚазАвтоЖол» ҰК АҚ Алматы облыстық филиалы мен «Қазақавтожол» ЖШС Алматы облыстық филиалының хабарлауынша, 2021 жылғы 26 желтоқсан сағат 11.30-дан бастап ауа райының нашарлауына байланысты (қалың тұман, нөлдік көріну) республикалық маңызы бар "Алматы-Өскемен" автожолында (76-161 шақырымдары, Қапшағай қаласы - Сарыөзек ауылы) автокөліктің барлық түрлері үшін қозғалыс жабылды.
Алматы облысының ТЖД азаматтардан осы бағыттағы сапарлардан бас тартуға сұрайды.
Алматы облысы ТЖД баспасөз қызметі