Өрт қауіпсіздік ережелері бойынша профилактикалық жұмыс

            Талдықорған қаласының ТЖ басқармасы "Талдықорған қаласының ТКШ" ММ "авариялық қызмет-104" ШЖҚ КМК және ҚазТрансГаз аймақтың жедел-диспетчерлік қызметімен, сондай-ақ Нұр Отан партиясының Жас Отан өкілдерімен бірлесіп 120 адам санымен 100 үйді аралап шықты. Бұл іс-шара өрттердің алдын алу, өрттерде адамдардың қаза болуын азайту мақсатында өткізіледі. Іс-шара барысында өрт қауіпсіздігі ережелері бойынша әңгімелер жүргізілді, сондай-ақ пеш жабдықтарын орнату және пайдалану, Электр және газ жабдықтарын қауіпсіз пайдалану бойынша өрт қауіпсіздігі талаптары түсіндірілді. Сонымен қатар, қауіпсіздікті қамтамасыз ету мақсатында "табиғатта демалу кезіндегі өрт қауіпсіздігі", "Балалардың отпен ойнауы", "дала және орман алқаптарындағы өрт қауіпсіздігі жөніндегі қағидалар" тақырыптарына 100 дана жадынамалар таратылды. Аталған іс-шара республикалық "Хабар 24"телеарнасында көрсетілді.

            Алматы облысы ТЖД  баспасөз қызметі