Тұрғын үй секторындағы өрт қауіпсіздігі ережелері

Құрметті облыс тұрғындары 2021-2022 жылдардағы от жағу маусымы кезеңіндегі тұрғын үйге пеш жаққан кездегі өрт қауіпсіздік ережелерін  сақтауларыңызды сұраймыз және төмендегі көрсетілген қауіпсіздік ережелерін ұстануларыңызды сұраймыз.

- Әрбір пеш есігінің алдында көлемі 50x70 см-ден кем емес қаңылтыр төселуі керек.

- Шатырлардағы барлық түтін мұржалары мен қабырғаларын, түтін арналары өтетін жерлерді сылақтау және әктеу қажет.

- Түтін жолдарын және жылыту пештерінің басқа да элементтерін пеш жағу маусымы басталар алдында, сондай-ақ жылыту маусымы кезінде айына бір реттен кем емес күйеден тазарту қажет.

- Отынды арнайы бейімделген үй-жайда немесе жанатын құрылыстардан 8 метр жақын емес орналасқан арнайы бөлінген алаңдарда сақтау қажет.

- Үй жанында және саяжай учаскелеріндегі қоқыстарды бақылаусыз жағу тыйым салынады.

- Тұрғын үйлердің учаскелеріндегі шөп маялары ғимараттар мен аула құрылыстарына дейін 15 м. кем болмауы тиіс.

 - Қоралар мен басқа да шаруалардың шатырларында, көшелерден, жолдардан 3 метрден кем қашықтықта, үй іргесінен тыс жерлерде орналастыруға жем-шөп пен шөпті маяларын жинауға жол бірілмейді.  

Алматы облысы ТЖД баспасөз-қызметі