Алматы облысында өрт қауіпті кезең басталды.
1 сәуірден бастап Алматы облысында 2021 жылғы өрт қауіпті кезең басталды. Бүгінгі күні Орман шаруашылығы мекемелері мен табиғи парктер аумағында 87 Га алаңда 4 бұта өсімдіктерінің жануы орын алды (2020 жылы - 4 өрт, 5000 Га астам алаңда), бұл ретте орман жабылған аумақ оттан зардап шеккен жоқ. Сонымен қатар, құрғақ шөптің жануына, ауылдық елді мекендерде және ауыл шаруашылығы алқаптарында қоқысты өртеу кезінде халықтың абайсызда от жағуына байланысты, бақыланбайтын ауыл шаруашылықтарының жануы, сондай-ақ от жағу, мангалдар мен сөндірілмеген көмірдің, темекінің (сіріңкенің) тасталуы салдарынан өрттердің саны күрт өсті.
Орман-дала өрттерінің туындауын болдырмау мақсатында Департамент қызметкерлері шөптің жануына жол бермеу бойынша халықпен рейдтер мен нұсқаулықтар жүргізілуде. Сондай-ақ, жергілікті полиция қызметі, орман шаруашылығы қызметкерлерінен өрт қауіпсіздігі талаптарын бұзушыларды анықтау мақсатында орман алқаптарын патрульдеу үшін мобильді топтар құрылды. Облыста 343 ерікті өртке қарсы құрылымдар құрылды.
Әдетте, өрт адамдардың өрт қауіпсіздігі ережелерін сақтауға немқұрайлы қарауынан, отты абайсыз пайдаланудан туындайды.
Алматы облысының ТЖД "Әкімшілік құқық бұзушылық туралы"Қазақстан Республикасының Кодексіне сәйкес тұлғаларды әкімшілік жауапкершілікке тарту туралы шешім қабылдай отырып, сотқа дейінгі тергеудің бірыңғай тізіліміне фактілерді тіркеу және шөп жағу және от жағу үшін жауапкершілік туралы еске салады. Рұқсат етілмеген жағу, ауыл шаруашылығы алқаптарында құрғақ шөптің бақылаусыз өртеу, орылған шөпті жағу және орман және дала алқаптарында өрт қауіпсіздігі ережелерін сақтамау үшін Қазақстан Республикасының Әкімшілік құқық бұзушылық туралы Кодексінің 336, 367, 410-баптары бойынша әкімшілік жауапкершілік көзделгеніне назарларыңызды аударамыз. Мәселен, 336 – бапқа сәйкес: "Өнеркәсіптік және тұрмыстық қалдықтарды жинап қою және жағу кезінде атмосфералық ауаны қорғау және өрт қауіпсіздігі жөніндегі талаптарды сақтамағаны үшін ескерту жасауға немесе жеке тұлғаларға – үш, лауазымды адамдарға-жиырма, шағын кәсіпкерлік субъектілеріне немесе коммерциялық емес ұйымдарға қырық айлық есептік көрсеткіш мөлшерінде айыппұл салуға әкеп соғады". Сондай - ақ, ҚР Қылмыстық Кодексінің 204-бабына сәйкес абайсызда жасалған, ірі залал келтірген бөтен мүлікті абайсызда жою немесе бүлдіру-жүз АЕК-ке дейінгі мөлшерде айыппұл салуға не сол мөлшерде қалпына келтіру жұмыстарына жазаланады.
Бау-бақша қоғамдарының үйлеріне өту жолдары Өрт сөндіру бөлімшелері үшін жеке проблема болып қала береді. Өрт туралы хабарланған сәттен бастап оқиға орнына келгенге дейін көп уақыт жоғалады, ол уақыт ішінде саяжайлар толығымен жанып кетеді. Өрт сөндіру есептоптары арнайы техникаға кедергі келтіретін тар жолдармен, құрылыстармен және тиісті тұрақтың болмауымен күресуге мәжбүр.
Алматы облысының ТЖД барлық тұрғындарға ескерту жасап, қырағылық пен сақтықты, қауіпсіздіктің негізгі аспектілерін тағы да еске салады.
Жануды болдырмау мақсатында, қауіпсіздік ұсақ-түйектен құралады, сондықтан өрт қауіпті кезеңде келесі ережелерді қатаң сақтау керек:
- үй маңындағы аумақтардан құрғақ шөптерді және тұрмыстық жанғыш қалдықтарды тазартыңыз;
- өз учаскелеріңізде от жағудан аулақ болыңыз;
- Электрмен дәнекерлеу және ашық отты қолданумен байланысты басқа да жұмыстарды жүргізу кезінде өрт қауіпсіздігінің барлық нормалары мен ережелерін қатаң сақтаңыз;;
- елді мекендер, кәсіпорындар мен ұйымдар аумағында құрғақ шөп пен жанғыш қоқысты өртемеңіз;
- темекі тұқылдары бұл үшін қатаң бөлінген орындарға тасталғанына және мұқият сөндірілгеніне көз жеткізіңіз;
- балаларға сіріңкемен ойнауға рұқсат бермеңіз.
Егер сіз жанып жатқан шөпті байқаған болсаңыз, бірінші кезекте 101, 112-қызметтерге міндетті түрде хабарлаңыз және сөндіру бойынша шаралар қабылдауға тырысыңыз. Тұрғын үйлер шегінде ӨҚЕ бұзушылықтары бар шөптерді жағу, от жағу фактілері бойынша ПИК – ке, өрт қауіпсіздігіне жауап беретін кондоминиумдарға, саяжай қоғамдарында-әкімшіліктерге жүгіну қажет. Ашық аумақта жанған және алау жағуға және қоқысты өртеуге кінәлілер тіркелген жағдайда 101,112 телефоны бойынша хабарласуға болады.
Алматы облысы ТЖД баспасөз қызметі