Азаматтық қорғаныс іс-шараларын орындау тәртібін азаматтық қорғау қызметтеріне түсіндіру
Азаматтық қорғаныс саласында профилактикалық бақылау жүргізу аясында а.ж. 15-26 ақпан аралығында Алматы облысы ТЖД Азаматтық қорғаныс басқармасымен Жамбыл, Қарасай, Еңбекшіқазақ және Талғар аудандарының азаматтық қорғау қызметтерінің басшыларымен азаматтық қорғаныс іс-шараларының орындалуын түсіндіру бойынша кездесулер өткізді.
Кездесу барысында азаматтық қорғау қызметтерінің негізгі міндеттері талқыланды. Олар, өз кезегінде:
халықты қорғау жөніндегі азаматтық қорғау іс-шараларын жоспарлау және қамтамасыз ету және төтенше жағдайлардың, қазіргі заманғы зақымдау құралдарының зақымдау факторларының салдарларынан залалды азайту;
авариялық-құтқару және кезек күттірмейтін жұмыстарды ұйымдастыру мен жүргізуді қамтамасыз ету, зардап шеккен халыққа көмек көрсету;
азаматтық қорғау құралымдарын құру және дайындау, олардың мақсаты бойынша жұмыстарды жүргізу үшін әзірлікте ұстау;
бағынысты органдар мен күштерді басқаруды ұйымдастыру, оларды қажетті материалдық-техникалық құралдармен қамтамасыз ету;
азаматтық қорғауды басқару, төтенше жағдайлардың қаупі мен туындауы туралы, қазіргі заманғы зақымдау құралдарын қолдану туралы халықты хабардар ету және хабардар ету жүйелерін құруды және әзірлікте ұстауды қамтамасыз ету;
радиоактивті, химиялық және бактериологиялық (биологиялық) залалдануды (ластануды) тұрақты бақылауды және бақылауды ұйымдастыру);
тиісті басқару органдарымен және әскери қолбасшылық, ішкі істер органдары күштерімен өзара іс-қимылды ұйымдастыру және қолдау;
бағынысты ұйымдардың эвакуациялық іс-шараларына басшылық ету, қауіпсіз аймақта орналастыру аудандарын алдын ала дайындау жөнінде шаралар қабылдау;
азаматтық қорғаныс жоспарларын және төтенше жағдайларды жою жөніндегі іс-қимылдар жоспарларын әзірлеу, ведомстволық бағыныстағы буындарда жоспарлауға басшылық ету;
авариялық-құтқару және кезек күттірмейтін жұмыстарды жүргізуге шешімдер қабылдау үшін азаматтық қорғаныстың тиісті бастықтарына ұсыныстар дайындау;
азаматтық қорғаныстың тиісті бастықтары қойған міндеттерді орындау кезінде қызметтердің бағынысты күштері мен құралдарына басшылық ету;
төтенше жағдайлардың туындау қаупін азайту, салалар мен ұйымдар жұмысының тұрақтылығын арттыру жөніндегі іс-шараларды әзірлеуге және іске асыруға басшылық ету;
қызметтердің құзыреті шегінде азаматтық қорғаныс іс-шараларының барлық кешеніне тікелей басшылықты жүзеге асыру болып табылады.
Кездесу қорытындысы бойынша Жамбыл, Қарасай, Еңбекшіқазақ және Талғар аудандарының азаматтық қорғау қызметтері азаматтық қорғаныс іс-шаралары орындалу тәртібі түсінігіне қол жеткізді.
Алматы облысы ТЖД баспасөз қызметі