Алматы облысы ТЖД қызметкерлері таулы жерлерге және Сапожников мұздығына оқу-жаттығу ұшуларын жүргізді.

Үстіміздегі жылдың 21 қазанында Алматы облысы ТЖД "ӨС және АҚЖҚ "ММ Жедел-құтқару жасағының қызметкерлері" Қазавиақұтқару "АҚ қызметкерлерімен бірге таулы жерлерде, сондай-ақ Сапожников мұздығында (биіктігі 3200 м.)"Қазавиақұтқару" АҚ ЕС-145 (Еурокоптер) тікұшағымен жаттығу ұшуларын орындады.

Жедел-құтқару жасағы таулы жерлерде жеке құрамды түсіру және отырғызу тәсілдерін және зардап шеккен адамды зембілмен әуе кемесіне тасымалдауды, сондай-ақ биіктігі 3 мың 200 метрге дейін асатын мұздықта құтқарушыларды түсіру және бортқа отырғызуды пысықтады.

Сонымен, жаттығу сценарийіне сәйкес, туристік жорықта ер адам жарақат алды және өздігінен қозғала алмайды. "Қазавиақұтқару" АҚ ЕС-145 (Еурокоптер) тікұшағында көмек туралы келіп түскен хабарламаға жеке құрамның 4 адамы бар жасақ ұшып шықты. Орынға ұшып келгеннен кейін іздестіру жұмыстары сәтті жүргізіліп, жасақ жеке құрамының күшімен алғашқы медициналық көмек көрсетілді.

Жаттығу барысында Сапожников мұздығында қар көшкіні түсу кезінде іздестіру-құтқару жұмыстары жүргізілді.

Мұндай жаттығулар нақты жағдайларда - тауларда немесе мұздықтарда зардап шеккендерді құтқару кезінде құтқарушы нақты және қатесіз әрекет етуі үшін қажет.

Жаттығу ұшулары құтқарушылардың кәсіби деңгейін қолдау және "Қазавиақұтқару"АҚ ұшу экипаждарымен өзара іс-қимылды ұйымдастыру мақсатында оқу-жаттығу ұшуларының жоспарына сәйкес өтеді. Жыл басынан бері 6 оқу-жаттығу ұшуы жүзеге асырылды.

 

 

                                                       Алматы облысы ТЖД баспасөз қызметі