"Қазгидромет" РМК-ның 2023 жылғы 23 маусымдағы дауылды ескертуі негізінде 2023 жылғы 23 маусымнан сағат 21:00-ден 24 маусымның сағат 21:00-ге дейін 24 маусым күні Алматы облысының оңтүстігінде, таулы аудандарында найзағай, бұршақ күтіледі. Найзағай кезінде оңтүстік-батысқа ауысатын оңтүстік-шығыс желдің екпіні 17-22 м/с. облыстың солтүстігінде, оңтүстігінде өрт қаупі жоғары.
Қонаев қ.: 24 маусымға қараған түні найзағай күтіледі. Жел оңтүстік-батыс найзағай кезінде екпіні 15-20 м / с.
Алматы облысының ТЖД азаматтарды ауа райының өзгеруін бақылауға және сақтық шараларын сақтауға шақырады. Сіздің аймағыңыздағы дауылды ескертулер және басқа да шұғыл ақпарат туралы жедел ақпарат алу үшін Сіз "Дармен" тегін мобильді қосымшасын жүктей аласыз.
Алматы облысы ТЖД баспасөз қызметі