Сыбайлас жемқорлық және кез-келген құқық бұзушылық сияқты қылмысты алдын-ала тоқтатқан дұрыс

Ақтөбе облысы ТЖД қызметкерлері Сыбайлас жемқорлыққа қарсы іс-қимыл саласындағы мемлекеттік саясатты іске асыру шеңберінде Ақтөбе облысы бойынша қылмыстық-атқару жүйесі департаментінің №70 мекемесінің тергеу изоляторына экскурсияға барды.
Іс-шара құқық бұзушылықтың алдын алу бойынша жеке құраммен жеке-тәрбие жұмысының сапасын арттыру мақсатында өткізілді. Іс-шараға 20-дан астам қызметкерлер қатысты, олардың ең көп саны өрт қауіпсіздігі және азаматтық қорғаныс саласындағы мемлекеттік бақылау саласындағы инспекторлар болып табылады.
Алдымен департамент қызметкерлері заңнаманы, оның ішінде сыбайлас жемқорлыққа қарсы заңнаманы бұзуға жол бермеу туралы дәріс тыңдады. Содан кейін тергеу изоляторының аумағында сотталғандарды ұстау шарттары, айыппұл изоляторы, Өндірістік корпус, асхана және кезекші бөлмелері көрсетілді.
Мұндай ерекше іс-шаралар қызметкерлердің қызметтік тәртібін нығайтады және олардың күнделікті өмірдегі заңға бағынатын мінез-құлқына тікелей ықпал етеді.
Ақтөбе облысы ТЖД қызметкерлері Ақтөбе облысы бойынша қылмыстық-атқару жүйесі департаментінің басшылығына сапалы өткізілген іс-шара үшін алғыс білдіреді.


Ақтөбе облысының ТЖД Кадр саясаты басқармасы